IOSUA, 19 - Samoan Old Version Bible

O LE MATAUPU XIX.O tofi o Simeona, ma Sepulona, ma Isakara, ma Asera, ma Nafatali, ma Tanu.

1Ua maua e Simeona le lua o tofi, mo le itu aiga o le fanauga a Simeona, e tusa ma o latou aiga; ua fai lo latou tofi i totonu o le tofi o le fanauga a Iuta.

2Ua ia te i latou i lo latou tofi o Peresepa, o Sepa lea, ma Molata,

3ma Asara-suala, ma Pala, ma Asema,

4ma Elitolita, ma Petueli, ma Horema,

5ma Sekeleka, ma Petemakapa, ma Asara-susa,

6ma Petelepaota, ma Saruena; o aai e sefulu ma le tolu, ma o latou faoa aai.

7O Aino, ma Rimoni, ma Eteru, ma Asana; o aai e fa, ma o latou faoa aai;

8o faoa aai uma foi na faataaliolio i ia aai, e oo i Paalapere o Ramata i le itu i toga. O le tofi lea o le itu aiga o le fanauga a Simeona, e tusa ma o latou aiga.

9Ua fai le tofi o le fanauga a Simeona mai le tofi o le fanauga a Iuta; auā o le vaega o le fanauga a Iuta sa sili ia te i latou; o le mea lea na fai ai e le fanauga a Simeona lo latou tofi i totonu o lo latou tofi.

10Ua maua e le fanauga a Sepulona le tolu o tofi, e tusa ma o latou aiga; ua oo le tuaoi o lo latou tofi i Sariti.

11Ua alu ae foi lo latou tuaoi i le sami, ma Marala, ma oo atu i Tapaseta, ua oo atu foi i le alia e feagai ma Iokeneama;

12ona afe a‘i lea mai Sariti i sasae, i le mea e alu ae ai le la, ua oo atu i le tuaoi o Kaselo-tapora, ona alu atu ai lea i Taparata, ma alu ae i Iafia.

13Ona ui ane ai lea nai lea mea i sasae i Kataferu, i Ita-kasena, ma alu atu i Rimoni-metoara i Nea;

14ua faataamilomilo i ai le tuaoi i le itu i matu i Anatonu; a o lona gataaga o le vanu o Iefitaelu; o Katata foi,

15ma Naalolo, ma Semarona, ma Itala, ma Peteleema; o aai e sefulu ma le lua, ma o latou faoa aai.

16O le tofi lea o le fanauga a Sepulona, e tusa ma o latou aiga; o aai ia, ma o latou faoa aai.

17Ua maua e Isakara o le fa o tofi, mo le fanauga a Isakara, e tusa ma o latou aiga.

18O lo latou tuaoi foi ua feagai ma Isereelu, ma Kesulota, ma Sunema,

19ma Afaraima, ma Seona, ma Anaarata, ma Rapati,

20ma Kiseona, ma Apesa,

21ma Remeta, ma Enekanima, ma Eneata, ma Petepasesa;

22ua oo atu foi le tuaoi i Tapora, ma Saasuma, ma Petesemesa; a o lona gataaga o lo latou tuaoi o Ioritana lea; o aai e sefulu ma le ono, ma o latou faoa aai.

23O le tofi lea o le itu aiga o le fanauga a Isakara, e tusa ma o latou aiga; o aai ma o latou faoa aai.

24Ua maua e le itu aiga o le fanauga a Asera le lima o tofi, e tusa ma o latou aiga.

25O lo latou tuaoi o Helekata, ma Ali, ma Petena, ma Akasafa,

26ma Alameleka, ma Amata, ma Meseala; ua oo atu foi i Karamelu i sisifo, ma Seora-lipenata;

27ona afe a‘i lea i le mea e alu ae ai le la i Petetakona, ma oo atu i Sepulona, ma le vanu o Iefita-elu i le itu i matu o Petemeka, ma Neieli, ma alu atu i Kapula i le itu tauagavale,

28ma Eperona ma Reopa, ma Hamoni, ma Kana, e oo atu i Saitonu le sili;

29ona afe a‘i lea o le tuaoi i Rama e oo atu i le aai nofo ‘olo o Turo; ua afe a‘i foi le tuaoi i Osa; a o lona gataaga o le sami lea, ua afua mai i le itu e oo atu i Akasepa;

30o Uma foi, ma Afeka, ma Reopa; o aai e luafulu ma le lua, ma o latou faoa aai.

31O le tofi lea o le itu aiga o le fanauga a Asera, e tusa ma o latou aiga; o aai ia, ma o latou faoa aai.

32Ua maua e le fanauga a Nafatali le ono o tofi, o le fanauga a Nafatali, e tusa ma o latou aiga.

33O lo latou tuaoi ua afua mai i Elefa, mai Aluna i Sananima, ma Atame-nekepa atoa ma Iapenelu, e oo atu i Lakuma; a o lona gataaga o Ioritana lea.

34Ona afe a‘i lea o le tuaoi i sisifo i Aseno-tapora, ma alu atu nai lea mea i Ukoke, ua oo atu i Sepulona i le itu i toga, ua oo foi i Asera i sisifo, ma Iuta i Ioritana i le mea e alu ae ai le la.

35O aai foi ua nofo ‘olo, o Setima, o Sero, ma Amata, o Rakata,

36ma Kinereta, ma Atama, ma Rama,

37ma Hasora, ma Katesa, ma Eterei, ma Eneasora, ma Irona, ma Meketala-elu,

38ma Horema, ma Peteanata, ma Petesemesa; o aai e sefulu ma le iva, ma o latou faoa aai.

39O le tofi lea o le itu aiga o le fanauga a Nafatali, e tusa ma o latou aiga; o aai ma o latou faoa aai.

40Ua maua e le itu aiga o le fanauga a Tanu le fitu o tofi, e tusa ma o latou aiga.

41O le tuaoi o lo latou tofi o Soraa, ma Esetaola, ma Iresemesa,

42ma Salapina, ma Ailona, ma Itala,

43ma Aluna, ma Timenata, ma Ekerona,

44ma Eliteka, ma Kipetonu, ma Paalata,

45ma Ieuta, ma Peneperaka, ma Katarimoni,

46ma Meierekuna, ma Rakuna, ma le tuaoi e feagai ma Iopa.

47Ua lauitiiti le laueleele o le fanauga a Tanu ua maua e i latou; ona o ae lea o le fanauga a Tanu, ua latou tau ai le taua ma Lesema, ua aea, ma fasia i le pelu; ua faia mo i latou, ma latou nonofo ai; ona faaigoa ai lea o Lesema o Tanu, e pei o le igoa o Tanu lo latou tamā.

48O le tofi lea o le itu aiga o le fanauga a Tanu, e tusa ma o latou aiga; o aai ia, ma o latou faoa aai.

49Ua uma ona tofia mo i latou le nuu, e tusa ma o latou tuaoi, ona foaiina atu ai lea e le fanauga a Isaraelu o le tofi ia Iosua le atalii o Nuno e faatasi ma i latou;

50e pei o le afioga a Ieova, ua latou foai atu ia te ia le aai na ia fai atu ai, o Timenata-sera lea o i le mauga o Efaraima; ona faia ai lea e ia o le aai, ma nofo ai.

51O tofi ia na tofia mo i latou e tusa ma le vili e Eleasaro le faitaulaga, ma Iosua le atalii o Nuno, ma matai sili o itu aiga o le fanauga a Isaraelu, i Sailo i luma o Ieova, i le faitotoa o le fale fetafai o le faapotopotoga. Ona uma ai lea o le vaevaeina o le laueleele.