I. NOFOAIGA A TUPU, 27 - Samoan Old Version Bible

O LE MATAUPU XXVII.O e na avea ‘au a Tavita, ma ana fai pule, ma auauna.

1O le fanauga a Isaraelu e tusa ma o latou faitauina, matai sili, ma alii o taitoaafe ma taitoaselau, ma o latou faipule e na auauna i le tupu i mea uma a vasega, na auaua‘i i lea masina ma lea masina i masina uma o le tausaga, o vasega taitasi e lua sefulu o afe ma afe e fa.

2Sa pule Iasapama le atalii o Sapetielu i le vasega muamua i le masina muamua. Sa i lona vasega e toaluafulu o afe ma afe e fa.

3O so le fanauga a Faresa, o le alii sili ia ia i latou uma o e ave ‘au i le masina muamua.

4Na pule foi Toto o lo sa Aokī i le vasega o le masina e lua, sa i lona vasega o Mekelota o le alii. Sa i lona vasega e toaluafulu o afe ma afe e fa.

5O Penaia le atalii o Ioiata, o le faipule sili, o le toatolu ia, o le pule i ‘au i le tolu o masina. Sa i ai foi i lona vasega e toalua sefulu o afe ma afe e fa.

6O Penaia lenei, o le toa ia i le toatolu sefulu, na pule foi ia i le toatolugafulu. Sa i lona vasega foi o Amesapata lona atalii.

7O le toafa o alii, o Asaelu le uso o Ioapo i le fa o masina, a o Sepetia lona atalii na soloai ane i ai. Sa i ai foi i lona vasega e toalua sefulu o afe ma afe e fa.

8O lona toalima o alii i le masina e lima, o Sama o lo sa Eserā. Sa i ai foi i lona vasega e toalua sefulu o afe ma afe e fa.

9O lona toaono i le masina e ono, o Ira le atalii o Ikesa le Tikoa. Sa i ai foi i lona vasega e toalua sefulu o afe ma afe e fa.

10O lona toafitu i le masina e fitu, o Helesa le Pelone o lo le fanauga a Efaraima. Sa i ai foi i lona vasega e toalua sefulu o afe ma afe e fa.

11O lona toavalu i le masina e valu, o Sepekai o lo sa Usā, o lo sa Serā. Sa i ai foi i lona vasega e toalua sefulu o afe ma afe e fa.

12O lona toaiva i le masina e iva, o Apiesera o le Anatota, o lo sa Peniaminā. Sa i ai foi i lona vasega e toalua sefulu o afe ma afe e fa.

13O lona toasefulu i le masina e sefulu, o Maarai o lo sa Netopā, o lo sa Serā. Sa i ai foi i lona vasega e toalua sefulu o afe ma afe e fa.

14O lona toasefulu ma le toatasi i le masina e sefulu ma le tasi, o Penaia le Piratonu, o lo le fanauga a Efaraima. Sa i ai foi i lona vasega e toalua sefulu o afe ma afe e fa.

15O lona toasefulu ma le toalua i le masina e sefulu ma le lua, o Heletai o lo sa Netopā, o lo sa Otinielū. Sa i ai foi i lona vasega e toalua sefulu o afe ma afe e fa.

16O e na pule foi i itu aiga o Isaraelu; o le alii o sa Reupenā, o Elisara le atalii o Sekari; o lo sa Simeona, o Sefatiao le atalii o Maaka;

17o lo sa Levī, o Hasapea le atalii o Kimueli; o lo sa Aronā, o Satoka;

18o lo sa Iutā, o Eliu, o le tasi lea uso o Tavita; o lo sa Isakarā, o Omeri o le atalii o Mekaeli;

19o lo sa Sepulona, o Iesemaia o le atalii o Opetaia; o lo sa Nafatalī, o Ieremota le atalii o Asareelu;

20o lo le fanauga a Efaraima, o Hosea le atalii o Asesau; o lo le vaega o le itu aiga o Manase, o Ioelu le atalii o Petaia;

21o lo le vaega o Manase i Kiliata, o Ito le atalii o Sakaria o lo sa Peniamina, o Iasielu le atalii o Apineru;

22o lo sa Tanū, o Asareelu le atalii o Ieroama. O alii ia i itu aiga o Isaraelu.

23Ua le faitauina e Tavita o i latou e lua sefulu o latou tausaga ma e ua le oo i ai; auā na fetalai mai Ieova na te faatoateleina Isaraelu e pei o fetu o le lagi.

24Na amata le faitau e Ioapo le tama a Seruia, a e lei faaiuina; auā ona o lena mea na oo mai ai le toasa ia Isaraelu, ua le tusia foi le faitau aofai i le tusi o tala i le nofoaiga a le tupu o Tavita.

25Na leoleo oloa o le tupu e Asemau le atalii o Atielu; na leoleo foi faupuega mea e ‘ai o i le fanua, ma aai, ma faoa aai, ma ‘olo, e Ionatana le atalii o Usia;

26na pule Eseri le atalii o Kelupo i e na fai galuega i le fanua e galulue i le laueleele;

27na leoleo Semi o le Rama i tovine; o Sapata o le Sefama na leoleo i fua o vine e tuu ai i mea e teu ai uaina;

28o Paala-anana le Keteri na leoleo i laau o olive, ma laau o sukamoru i mea maulalo; na leoleo foi Ioasa i mea e teu ai suāuu;

29na leoleo Setari le Sarona i povi na tataa i Sarona; o Safata foi le atalii o Atalai na leoleo i povi i vanu;

30na leoleo Opili o le sa Isamaelī i kamela; o Ietaia o le Marono na leoleo i asini;

31na leoleo Iasesa o le sa Akarā i mamoe. O alii uma ia na tausi le oloa o le tupu o Tavita.

32O Ionatana o le uso o le tamā o Tavita, o le faipule, o le tagata faautauta ma le tusiupu; o Ikielu le atalii o Hakemoni na i ai i atalii o le tupu;

33o Aitofele foi o le tulafale a le tupu; o Usai le Araki o le uo ia a le tupu.

34E aupito ane ia Aitofele o Ioiata le atalii o Penaia, ma Aviata; o Ioapo foi o le pule i ‘au a le tupu.