1Ina valaau atu ia, pe ai se tasi e tali mai ia te oe? Po o ai foi so le au paia e te faasaga i ai?
2O le ita e fasia ai le tagata valea, o le mataua foi e oti ai le vale.
3Na ou iloa le tagata valea ua sosolo ona aa; a ua ou faafanoloaina le mea na mau ai o ia.
4Ua mamao lana fanau i le olataga, ua solia foi i latou i le faitotoa, ae leai se na te laveaiina.
5Ua ‘aina lana saito e le ua fia‘ai, ua avea ai foi e ia ai mea matuitui, ua naunau atu le malaia i o latou oloa.
6Auā e le alu ae mai le eleele le malaia, e le tupu mai foi mai le laueleele le tiga.
7A ua fanau mai le tagata ia tigaina, e pei ona lele ae o aloiafi.
8Ae peitai a‘u, ou te saili atu i le Atua, ou te tuuina atu la‘u mea i le Atua;
9o le ua faia mea tetele e le masuesueina, o vavega e le mafaitaulia.
10O le ua foaiina mai le ua i le laueleele, o le ua tuuina mai foi o vai i le vao.
11E avae i le mea maualuga o e ua maulalo; e faaeaina foi o e ua faanoanoa ia saogalemu ai.
12Ua faaleaogaina e ia o mafaufauga o e fai togafiti, ona le fai ai lea i o latou lima mea ua latou manatu i ai.
13E maua e ia o e popoto i a latou lava togafitiga, e faaleaogaina foi le pule a e faa‘ole‘ole.
14Ua oso atu i latou i le pouliuli ao ao, latou te tāutago foi i le aoauli e peiseai o le po.
15Ae faaolaina e ia o e matitiva ai le pelu, ma o latou gutu, ma le lima o le ua malosi.
16O le mea lea ua fai ai se faamoemoe o le ua vaivai, ua punitia ai foi le gutu o lē amio leaga.
17Faauta mai, amuia le tagata ua aoaiina e le Atua; o le mea lea aua e te ta‘ufaatauvaaina ai aoaiga a Le e ona le malosi uma lava.
18Auā o ia na te faatigaina, o ia foi na te fusia; o ia e manua ai, o ona aao foi e fofō ai.
19E laveai mai o ia ia te oe i puapuaga e ono, o lona fitu lava e le papai atu ai se leaga ia te oe.
20Na te laveaiina oe i le oge ia le oti ai, na te laveaiina foi oe i le pelu i le taua.
21E te lilo ai oe i le sasa a le laulaufaiva, e te le fefe foi i le faatafunaina pe a oo mai.
22E te ‘ata i le faatafunaina ma le oge, e te le mata‘u foi i manu feai.
23Auā e fai sa outou feagaiga, o oe ma maa o le eleele; tou te lelei foi ma manu feai.
24E te iloa foi, ua saogalemu lou fale ie; e te asiasi lava i lou fale, a e te le agasala.
25E te iloa foi e toatele lau fanau, e tusa foi e ua tutupu ia te oe ma le vao iti o le laueleele.
26E te oo i le tuugamau o e toeaina lava, e pei ona alu ae o le faaputugāsaito i lona tau.
27Faauta, ua matou suesueina lenei mea, o loo faapea lava ia; ina e faafogafoga mai i ai, ma ia e silafia ai.
Who We AreWhat We EelieveWhat We Do
2025 by iamachristian.org,Inc All rights reserved.
