1Le Atua e, ia e alofa mai ia te au, ia e alofa mai ia te au; auā ua ou faatuatua lava ia te oe; ou te faatuatua foi i le paolo o ou apaau, seia mavae atu nei mea leaga.
2Ou te valaau atu i le Atua silisili ese; o le Atua lava na te faataunuuina mea uma mo a‘u.
3E auina mai e ia mai le lagi, ma faaola mai ia te au, a o upu leaga mai le ua naunau i le fia maua o a‘u. Selā. E auina mai e le Atua o lona alofa ma lona faamaoni.
4Ua i le va o le ona lava a‘u; e taoto lava a‘u i le va o e o mumū mai o latou ita, o le fanau a tagata i latou, o latou nifo o tao ma u fanafana ia, o pelu maai foi o latou laulaufaiva.
5Le Atua e, ia faasilisiliina oe i le lagi; ia i ai i le lalolagi uma lou mamalu.
6Ua latou saunia se upega i le mea ou te ui ai; ua faavaivai ai lo‘u loto; ua latou elia se lua o‘u lumanai, ua pauu i ai i latou. Selā.
7Le Atua e, ua mau lo‘u loto, ua mau lava lo‘u loto; ou te pese lava, ma ou fai pesega.
8Ala mai ia lo‘u mamalu, ala mai ia le napeli ma le kitara; ou te ala i le taeao lava.
9Le Alii e, ou te vivii atu ia te oe i luma o le nuu; ou te fai pesega ia te oe i luma o tagata.
10Auā e tele lou alofa ua oo i le lagi, e tele foi lou faamaoni ua oo i ao.
11Le Atua e, ia faasilisiliina oe i le lagi; ia i ai i le lalolagi uma lou mamalu.
Who We AreWhat We EelieveWhat We Do
2025 by iamachristian.org,Inc All rights reserved.
