1Ieova e, se a le mea e te tūtūmamao ai, ma e liliu ese ai i ona po e i ai le puapuaga?
2O le faamaualuga o le tagata amio leaga ua ia matuā faasaua ai i e ua puapuagatia; ua maua i latou i ia lava togafiti na latou manatua.
3Auā ua mitamita lē amio leaga i tu‘inanau o lona loto; o le ua matapeapea foi, ua faaamuia o ia e ia, ua ‘ino‘ino ia Ieova.
4O le faasiasia o mata o le ua amio leaga e le saili ai o ia; o ona mafaufau uma, E leai se Atua.
5Ua manuia ona ala e le aunoa; ua mamao i luga ia te ia au faamasinoga; ua na ulafia i e ita ia te ia uma lava.
6Ua fai ifo ia i lona loto, E le faagaeetia a‘u; e le oo mai se mea leaga ia te au e faavavau.
7Ua tumu lona gutu i le fetuu, ma le tau‘ole‘ole, ma le saua; o loo i lalo o lona laulaufaiva le faatiga ma le amio leaga.
8Ua nofo ia i mea e lamalama ai i faoa aai, na te fasioti i mea lilo i e le sala; ua lamalama ona mata i le ua tigaina.
9Ua lamalama ia i le mea lilo, e pei o le leona i le mea e fale ai; ua lamalama ia ina ia puea e ia le ua puapuagaina; ua puea e ia o le ua puapuagaina, i lona toso mai ia te ia i lana upega.
10Ua lafotuina ona ua momomo ua pauu foi e ua tigaina i lana ‘au malosi.
11Ua fai ifo o ia i lona loto, Ua galo i le Atua; ua ‘alo ese ona fofoga; na te le silafia e faavavau.
12Ieova e, ia e tulai mai; le Atua e, ina sii ia lou aao; aua ne‘i galo ia te oe e ua puapuagaina.
13Se a le mea ua ‘ino‘ino ai i le Atua le ua amio leaga? Ua fai ifo i lona loto, E te le suesuea.
14Ua e silafia lava, auā o oe lava, e te silasila i le tiga ma le ita, ina ia tuu atu ai i lou aao; o le ua tigaina e tuuina o ia e ia ia te oe; o oe lava o le fesoasoani o le ua mātuaoti.
15Ia e gagau le lima o lē fai amio leaga; o lē agaleaga foi, ia e suesue i lana amio leaga seia e le toe silafia.
16O Ieova o le Tupu ia e faavavau faavavau lava; ua fano nuu ese nai lona laueleele.
17Ieova e, ua e faafofogaina le manao o e ua puapuagatia; e faamauina e oe o latou loto, ua liliu mai i ai ou fofoga;
18ina ia faamasino i le ua mātuaoti ma le ua faasauaina; ina ia le toe faamatau mai le tagata ua tupu mai le eleele.
Who We AreWhat We EelieveWhat We Do
2025 by iamachristian.org,Inc All rights reserved.
