1O le tausaga muamua o Kuresa le tupu o Peresia na faaosoina ai e Ieova le manatu o Kuresa le tupu o Peresia, ina ia taunuu ai le afioga a Ieova na fai mai e Ieremia, ona ia tala‘iina lea o le upu i lona malo uma, ma na tusia i le tusi, ua faapea,
2O loo faapea ona fai atu o Kuresa le tupu o Peresia, Ua tuuina mai ia te au e Ieova le Atua o le lagi o malo uma o le lalolagi; o ia foi ua ia poloai mai ia te au ia ou faia se fale mona i Ierusalema o loo i Iuta.
3O ai ea o ia te outou ai lona nuu uma? Ia ia te ia lona Atua, ma ia alu ae o ia i Ierusalema o loo i Iuta, ma fai le fale o Ieova le Atua o Isaraelu, (o le Atua lava o ia,) o loo i Ierusalema.
4O i latou uma foi o e totoe i nuu uma ua aumau ai o ia, ia fesoasoani ia te ia tagata o i le mea ua mau ai o ia i ario, ma auro, ma oloa, ma manu, atoa ma taulaga ua loto ina fai mo le fale o le Atua o loo i Ierusalema.
5Ona tutu ai lea o matai sili o Iuta ma Peniamina, ma le au faitaulaga, ma sa Levi, o i latou uma na faaosoina o latou manatu e le Atua e o ae e fai le fale o Ieova o loo i Ierusalema.
6O i latou uma e vagavagai ia te i latou na fesoasoani ia te i latou i mea ario, ma auro, ma oloa, atoa ma manu, ma oloa taua e faaopoopo i mea uma ua loto ina avatu.
7Ua aumaia foi e le tupu o Kuresa o mea o le fale o Ieova, na avea e Nepukanesa ai Ierusalema, ma tuuina atu ai i le fale o ona atua;
8ua aumaia foi ia mea e Kuresa le tupu o Peresia i le lima o Metereta le tausi oloa, ma na faitauina mai ai ia Sesepasara le alii sili o Iuta.
9O le faitau aofai lenei o ia mea; o tanoa auro e tolu sefulu, o tanoa ario e afe, o polo e luafulu ma le iva,
10O ipu auro e tolu sefulu, o ipu ario e aupito ane i ipu sili e fa selau ma le sefulu, o isi mea e afe.
11O mea uma o auro ma ario e lima o afe ma le fa o selau. Na aveina ae e Sesepasara o ia mea uma faatasi ma tagata o le tafeaga na aveina ae nai Papelonia i Ierusalema.
Who We AreWhat We EelieveWhat We Do
2025 by iamachristian.org,Inc All rights reserved.
