1Na fai a a‘u faamaloloina o Isaraelu, ona mānu mai ai lea o le leaga o Efaraima ma amio leaga a Samaria; auā ua latou fai le amio pepelo; e ulufale mai le gaoi, a e osofia i fafo e le au fao mea.
2Latou to le faapea ifo i o latou loto, Ou te manatua la latou amio leaga uma; o lenei, ua siosiomia i latou i a latou lava galuega, ua i o‘u luma ia mea.
3Latou te faafiafia le tupu i a latou amio leaga; atoa ma alii i a latou tala pepelo.
4Ua mulilulua i latou uma; pei se ogaumu i latou ua faaaasaina e le fai areto; ua le toe tafu pe a uma ona lolomi o le palugāfalaoa seia faafefeteina.
5O le aso o lo tatou tupu na mama‘i ai alii i le oona o uaina; na ia faaloaloa atu lona lima faatasi ma ē tauemu.
6Auā ua latou faalatalata ma o latou loto, e pei o se ogaumu, a o latou o lamalama; ua aoina o moe lo latou fai areto, ua mu i le taeao pei se afi mumū.
7Ua aasa i latou uma e pei o se ogaumu, ua latou faaumatia o latou alii faamasino; ua pauu o latou tupu uma, e leai so latou e valaau ia te au.
8O Efaraima ua numia o ia e ia faatasi ma le nuu; o Efaraima o le potoi areto ia e lei liua.
9Ua faaumatia e tagata ese lona malosi, a ua le iloa e ia; ua pule le sinā o lona lauulu, a ua le iloa e ia.
10Ua molimau le faamaualuga o Isaraelu i o latou luma; e ui lava i ia mea uma, ua latou le toe foi ia Ieova lo latou Atua, ua latou le saili foi ia te ia.
11O Efaraima foi e pei o se lupe valea ia, e leai sona mafaufau; latou te valaau ia Aikupito, ua o foi i latou i Asuria.
12A latou o, ou te lafo la‘u upega i luga ia te i latou; ou te lafo i lalo ia te i latou pei ni manu felelei; ou te sasa foi ia te i latou e pei ona faalogo i ai lo latou potopotoga.
13O i talofa ia te i latou! auā ua sosola ese i latou ia te au; ia malaia i latou! auā ua latou fouvale ia te au; na ou togiola foi ia te i latou, a ua latou tala pepelo ia leaga ai a‘u.
14Ua le valaau mai i latou ia te au ma o latou loto, ina ua latou uio i o latou moega; latou te faapotopoto i saito ma uaina; latou te o ese ia te au.
15O a‘u foi, na ou a‘oa‘o atu, na ou faamalosiina o latou lima, a ua latou taupulepule i mea e leaga ai a‘u.
16Ua latou toe foi, a e le o lē Silisili ese ua latou foi i ai; e pei o le aufana pepelo i latou; e pauu o latou alii i le pelu ona o le faasiasia o latou laulaufaiva; e fai mo latou gao lea mea i le nuu o Aikupito.
Who We AreWhat We EelieveWhat We Do
2025 by iamachristian.org,Inc All rights reserved.
