1Ua oo in ua mavae le oti o Saulo, ma ua foi atu Tavita nai le fasiga o Amaleka; sa nofo foi Tavita i Sekeleka i aso e lua;
2Ona oo ai lea i le aso tolu, faauta, ua sau le tagata nei le itu taua a Saulo, ua masae ona ofu, ma le eleele i lona alu, ua oo atu o ia ia Tavita, ona faapaū ai lea o ia i le eleele, ua ifo ia te ia.
3Ona fai atu lea o tavita ia te ia, Maifea ea oe? Ua fai mai o ia ia te ia, Ua ou sola mai le itu taua a Isaraelu.
4Ona fai atu lea o Tavita ia te ia, Ua a ea? Ta‘u mai ia ia te au. Ua fai mai o ia, Ua sosola le nuu nai le taua, e toatele foi o le nuu ua pauu ua oti; o Saulo foi ma Ionatana lona atalii ua oti i laua.
5Ua fai atu Tavita i le taulealea na tala mai ia te ia, Ua e iloa faapefea ua oti Saulo ma Ionatana lona atalii?
6Ona fai mai lea o le taulealea na tala mai ia te ia, Na ou soona alu ane i le mauga o Kilepoa, faauta, o loo tōonai Saulo i lona tao; faauta foi, o kariota ma e tietie i solofanua o loo piitia le tuli ia te ia.
7Ua fāliu o ia, ua na iloa mai a‘u, ona valaau mai lea o ia ia te au; ona ou fai atu lea, O a‘u lenei.
8Ua fai mai o ia ia te au, O ai ea oe? Ona ou fai atu lea ia te ia, O a‘u o lo sa Amalekā,
9Ona fai mai lea o ia ia te au, Ia e tu i o‘u luga, ma faaoti ia te au, auā ua oo mai le atuatuvale ina ua ou ola pea lava.
10Ona ou tu ai lea i ona luga, ma ou faaoti ia te ia; auā na ou iloa e le toe ola o ia ina ua paū; ona ou tago ai lea i le palealii sa i lona ao, ma le taulima sa i lona aao, ua ou aumaia iinei i lo‘u alii.
11Ona tago lea o Tavita i ona ofu, ua na saeia; ua faapea foi tagata uma sa ia te ia.
12Ua latou tagitu‘i, ma fetagisi, ma anapopogi, ua oo i le afiafi, ona o Saulo, ma Ionatana lona atalii, ma le nuu o Ieova, ma le aiga o Isaraelu, ina ua latou oti i le pelu.
13Ua fai atu Tavita i le taulealea, na tala mai ia te ia, Se fea ea oe? Ua fai mai o ia, O a‘u le atalii o le tagata ese, o a‘u o lo sa Amalekā.
14Ua fai atu Tavita ia te ia, Pe na faapefea ona e le fefe e faaoo lou lima e faaoti ai i le na faauuina e Ieova?
15Ona valaau atu lea o Tavita i le tasi taulealea, ua fai atu i ai, Ina alu atu ia, ma e fasioti ia te ia; ona fasi ai lea e ia ia te ia, ua oti ai.
16Ua fai atu foi Tavita ia te ia, Ia i ai i luga o lou ulu lou lava toto, auā na e molimau mai lou lava gutu ia te oe, o loo faapea, Na ou fasioti i le na faauuina e Ieova.
17Ua lagi e Tavita lenei fatu e aualofa a‘i ia Saulo ma Ionatana lona atalii.
18(Ua fai atu foi o ia, ia a‘oa‘oina le fanauga a Iuta i le aufana; faauta, ua tusia i le tusi a Iasera.)
19O le mamalu o Isaraelu ua fasia i au mea maualuluga; aue! Ua maliliu toa.
20Aua ne‘i ta‘ua i Kata, aua ne‘i tala‘i atu i malae o Asekelona; ne‘i olioli ai afafine o Filisitia, ne‘i mitamita ai afafine o ē le peritomeina.
21Mauga o Kilepoa e, aua ne‘i i ai se sau, aua ne‘i i ai se ua ia te outou, po o fanua e tupu ai taulaga; auā na lafoaiina ai talita a toa, o le talita a Saulo, peiseai na le faauuina o ia i le uu.
22Na le faafoisia le aufana a Ionatana, ma le pelu a Saulo e lei foi fua lea, nai le toto o e na fasia, ma le ga‘o o toa.
23O Saulo ma Ionatana sa pele ma agafaafiafia i laua ina o soifua mai; ua le te‘a eseese foi i lo la maliu; sa sili o la tele taalise i aeto, sa sili foi o le fitafita i leona.
24Afafine o Isaraelu e, ia fetagisi outou ia Saulo, sa na faaofu ia te outou i ie mūmū, atoa ma mea faafiafia; na ia teuteua o outou ofu i auro e faamatagofie a‘i.
25Aue! Ua maliliu toa i le taua; Ionatana e, ua fasia oe i au mea maualuluga.
26Ua tigaina a‘u ona o oe lo‘u uso Ionatana e; sa a‘u matuā fiafia ia te oe, sa maeu lava lou alofa ia te au, e sili i le alofa o fafine.
27Aue! Ua maliliu toa, ua māumau ai auupega o le taua.
Who We AreWhat We EelieveWhat We Do
2025 by iamachristian.org,Inc All rights reserved.
