1Ia outou vivii atu ia Ieova, auā e lelei o ia; auā e faavavau lava lona alofa.
2Vivii atu outou i le Atua o atua; auā e faavavau lava lona alofa.
3Vivii atu outou i le Alii o alii; auā e faavavau lava lona alofa.
4O lē faia vavega tetele, na o ia lava; auā e faavavau lava lona alofa.
5O le na faia le lagi i le poto; auā e faavavau lava lona alofa.
6O le na fofola le lalolagi i luga o le vai; auā e faavavau lava lona alofa.
7O le na faia malamalama tetele; auā e faavavau lava lona alofa;
8o le la e pule i le ao; auā e faavavau lava lona alofa;
9o le masina ma fetu e pule i le po; auā e faavavau lava lona alofa.
10O le na fasia Aikupito, o a latou ulumatua lava; auā e faavavau lava lona alofa.
11O le na aumaia Isaraelu nai ia i latou; auā e faavavau lava lona alofa;
12i le aao malosi ma le aao faaloaloa; auā e faavavau lava lona alofa.
13O le na vaea le sami Ulaula i vaega; auā e faavavau lava lona alofa;
14ma na faaui ane ai Isaraelu; auā e faavavau lava lona alofa;
15a ua lafoina e ia o Farao ma ana ‘au i le sami Ulaula; auā e faavavau lava lona alofa.
16O le na ta‘ita‘iina atu lona nuu i le vao; auā e faavavau lava lona alofa.
17O le na fasia tupu sili; auā e faavavau lava lona alofa;
18ma na fasiotia tupu mamalu; auā e faavavau lava lona alofa;
19o Sekono le tupu o sa Amorī; auā e faavavau lava lona alofa;
20ma Oko le tupu o Vasana; auā e faavavau lava lona alofa.
21Ua na au mai foi lo latou laueleele e fai ma tofi; auā e faavavau lava lona alofa;
22o le tofi lava o lana auauna o Isaraelu; auā e faavavau lava lona alofa.
23O le na manatua i tatou, ina ua faamaulaloina i tatou; auā e faavavau lava lona alofa;
24ma na laveai mai ia i tatou i e na saua mai; auā e faavavau lava lona alofa.
25O lē foaiina mea e ‘ai i meaola uma lava; auā e faavavau lava lona alofa.
26Ina vivii atu ia outou i le Atua o le lagi; auā e faavavau lava lona alofa.
Who We AreWhat We EelieveWhat We Do
2025 by iamachristian.org,Inc All rights reserved.
