1Le Atua e, lē ou te amiotonu ai, ia e tali mai i la‘u valaau atu; ua e laveaiina a‘u nai le puapuaga; ia e alofa mai ia te au, ma faafofoga mai i la‘u tatalo.
2O outou le fanau a tagata, tou te faia ma luma lo‘u mamalu seia afea? Tou te loto ea i le mea faatauvaa? Tou te saili ea i le pepelo? Selā.
3Ia outou iloa ua faailogaina e Ieova le tagata amio Atua mo ia; e faafofoga mai Ieova i la‘u valaau atu ia te ia.
4Ia outou tetemu, aua ne‘i agasala; ia outou manatunatu ifo i o outou loto i luga i o outou moega, ma ia outou fifilemu. Selā.
5Ina fai taulaga ia i taulaga tatau, ma ia outou faalagolago ia Ieova.
6E toatele ua fai mai, O ai ea se faailoa mai se mea lelei ia te i matou? Ieova e, ia e faasaga mai ia te i matou le malamalama o ou fofoga.
7E tele le fiafia ua e tuu i lo‘u loto, ae itiiti lo latou i ona po ua faateleina ai a latou saito ma a latou uaina.
8Ou te taoto, ma ou moe filemu; auā o oe Ieova e, na o oe lava, ua ou nofo ai ma le filemu.
Who We AreWhat We EelieveWhat We Do
2025 by iamachristian.org,Inc All rights reserved.
