1Ua alu atu Samasoni i Kasa, ona iloa ai lea e ia o le fafine talitane; ua ia alu ane ia te ia.
2Ona ta‘uatua lea ia Kasa, ua faapea, Ua sau Samasoni iinei, Ona latou siosio ai lea, ma lamalama ia te ia ua aoina le po, i le faitotoa o le aai; ua atoa le po o faalologo i latou, o loo faapea, Tatou te fasia o ia pe a malama ae le taeao.
3Ua taoto Samasoni, ua oo i le tulua o po ma ao; ona tulai lea o ia i le tulua o po ma ao, ua tago atu i puipui o le faitotoa o le aai ma pou e lua, ua na fa‘ia atoa ma le faamau, ua faaee i lona ua, ma avae i le tumutumu o le mauga sa feagai ma Heperona.
4E mulimuli ane ua ia manao i le fafine i le vanu o Soreka, o Talila lona igoa.
5Ona o ae lea ia te ia o alii o Filisitia, ua latou fai atu ia te ia, Ia e faaoleole ia te ia, ina ia iloa po o le a lona malosi tele, pe se a foi se mea matou te malo ai ia te ia, ma fusifusi ia te ia ina ia faatigaina o ia; o i matou foi, matou te taitasi ma avatu ai ia te oe o tupe e tasi le afe ma le selau e tasi.
6Ua fai mai Talila ia Samasoni, Se‘i e ta‘u mai ia te au, po o le a e te malosi tele ai? Pe se a foi se mea e fusifusia ai oe ina ia faatigaina oe?
7Ua fai atu Samasoni ia te ia, Afai latou te fusifusia a‘u i maea mata e fitu e lei faapopoina, ona vaivai ai lea o a‘u, e avea foi e pei o se tasi tagata.
8Ona avae lea ia te ia e alii o Filisitia o maea mata e fitu, e lei faapopoina, ua ia fusifusia a‘i o ia.
9Sa nonofo ma ia i le afeafe o e lamalama; ua ia fai mai ia te ia, Samasoni e, ua o mai ia te oe o Filisitia; ona motusi lea e ia o maea e pei ona motusi le manoa lino ua mu i le afi; ua le iloa po o le a lona malosi.
10Ua fai mai Talila ia Samasoni, Faauta, ua e pelogia a‘u, ua e fai mai foi mea pepelo; o lenei, se‘i e ta‘u mai lava ia te au, po o le a e fusifusi a‘i oe.
11Ona fai atu lea o ia ia te ia, Afai e matuā fusifusia a‘u i maea fou, e lei fai a‘i se galuega, ona ou vaivai ai lea, e avea foi a‘u e pei o se tasi tagata.
12Ona ave lea e Talila o maea fou, ua na fusifusia a‘i o ia, ona fai mai lea o ia ia te ia, Samasoni e, ua o mai Filisitia ia te oe. Sa nonofo i le afeafe o e lamalama; ona ia motusi ai lea o maea ai ona lima e pei o se manoa.
13Ona fai mai lea o Talila ia Samasoni, Ua oo mai i lenei aso ua e pelogia a‘u, ma e fai mai mea pepelo ia te au; ina ta‘u mai ia ia te au, pe se a se mea e fusifusia a‘i oe. Ona fai atu lea o ia ia te ia, Afai e te lagā fuafuati e fitu o lo‘u lauulu faatasi ma le ala o le ie.
14Ua ia faamauina i le faamau, ona fai mai lea o ia ia te ia, Samasoni e, ua o mai ia te oe o Filisitia. Ona ala lea o ia na moe, ua na liaiina le faamau o le mea ua lalagaina, atoa ma le ala o le ie.
15Ona fai mai lea o ia ia te ia, Pe faapefea ona e fai mai, ua e alofa mai ia te au, a e le ia te au lou loto? Ua e pelogia a‘u, o le atu tolu lenei e te lei ta‘u mai ia te au, po o le a lou malosi tele.
16Ua oo ina faatiga ia te ia i lona fai mai i aso uma, ua na faatauanauina o ia; ona faavaivai ai lea o lona loto, a oti;
17ona ta‘u atu ai lea ia te ia o lona loto uma, ua fai atu ia te ia, E lei oo se tafi i lo‘u ulu; auā o a‘u o le naseri i le Atua, talu ina fanau mai; afai e tafi lo‘u lauulu, ona mavae ai lea o lo‘u malosi, ou te vaivai, e avea foi a‘u e pei o se tasi tagata.
18Ua iloa e Talila ua na ta‘u atu ia te ia lona loto uma, ona ia feau atu lea, ma aami i alii o Filisitia, o loo faapea, Ina maliu mai ia, o le toe siliga lenei, auā ua na ta‘u mai ia te au lona loto uma lava. Ona o ae lea ia te ia o alii o Filisitia, ua latou avae foi tupe i o latou lima.
19Ua na faamoe ia te ia i ona vae; ona valaau lea i le tagata e tafi i fuafuati e fitu o lona lauulu, ona afua ai lea e ia ona faatiga ia te ia; ua mavae lona malosi ai ia te ia.
20Ua fai mai o ia, Samasoni e, ua o mai Filisitia ia te oe. Ua ala ia na moe, ona fai ane lea, Ou te alu atu e pei ona muai fai, ma ou lulu ia te au; a o ia na te lei iloa, ua afio ese Ieova ia te ia.
21Ona pue lea e Filisitia ia te ia, ua sasali ona mata; ua ave ifo ia te ia i Kasa, ma nonoa ia te ia i fusi ‘apa memea e lua; ua ia olo saito foi i le fale puipui.
22A ua amata ona toe tupu o le lauulu i lona ulu, e pei o ona po na le tafia.
23Ua potopoto alii o Filisitia e fai le taulaga tele ia Takono lo latou atua, ma fiafia ai; ua latou faapea, Ua tuuina mai Samasoni lo tatou fili i o tatou lima e lo tatou atua.
24Ua iloa o ia e le nuu, ona latou vivii lea i lo latou atua, auā ua faapea i latou, Ua tuuina mai i o tatou lima e lo tatou atua o lo tatou fili, o le na moana ai lo tatou fanua, ma na fasia o tatou e toatele.
25Ua oo ina fiafia o latou loto, ona latou fai ane lea, Valaau ia Samasoni, se‘i tatou tapisa a‘i ai. Ona latou amia lea o Samasoni ai le fale puipui, ua tapisa ai i latou; ua latou faatuina o ia i le va o poutu.
26Ua fai atu Samasoni i le taulealea, le na taofi i lona lima, Tuu mai ia o a‘u, se‘i ou tagotago atu i pou e mau ai le fale, ou te faalagolago atu i ai.
27Sa tumu le fale i tane ma fafine; sa i ai o alii uma o Filisitia; sa i luga o le fale, pe atoa se tolu gaafe o tane ma fine, o loo maimoa ia Samasoni, o loo faa‘ataina.
28Ona valaau lea o Samasoni ia Ieova ua fai atu, Le Alii Ieova e, ia e manatu mai, ma e faamalosi mai tau lava i lenei toe mea, le Atua e, ina ia ou taui ma sui faatasi ia Filisitia i o‘u mata e lua.
29Ona lolo‘u ai lea e Samasoni i pou e lua i totonu na mau ai le fale, ma lagolago ai, o le tasi i lona lima taumatau ma le tasi i lona lima taugavale.
30Ua fai atu Samasoni, Ia ou oti faatasi ma Filisitia. Ona punou faamalosi lea, ua paū le fale i luga o alii, ma luga o le nuu uma sa i ai; sa toatele e na fasiotia e ia i lona oti i e na fasiotia a o ola ia.
31Ona o ifo lea o ona uso ma le aiga uma o lona tamā, ua latou siitia o ia, ma avae, ua tanu ia te ia i le va o Soraa ma Esetaola i le tuugamau o Manoa lona tamā. Ua ia faamasino ia Isaraelu i tausaga e luafulu.
Who We AreWhat We EelieveWhat We Do
2025 by iamachristian.org,Inc All rights reserved.
