1Le leoleo o Isaraelu e, ia e faafofoga mai, o oe o lē ta‘ita‘i ia Iosefa e pei o se lafu mamoe; o oe lē tietie i le va o kerupi, ia e faaali mai lou pupula.
2Ia e faaoso lou malosi i luma o Efaraima, ma Peniamina, ma Manase, ma e afio mai e faaola ia te i matou.
3Le Atua e, ia e faafoisia i matou, ma ia malamalama mai ou fofoga; ona faaolaina ai lea o i matou.
4Ieova e, le Atua o ‘au, e pusa mai lou toasa i le tatalo a lou nuu seia afea?
5Ua e fafagaina i latou i loimata e fai ma mea e ‘ai, o loimata foi e tele ua e avane ia te i latou e inu ai.
6Ua e faia i matou ma mea e famisai ai ē ua matou tuaoi; ua tauemu mai foi ia te i matou o e ita mai ia i matou.
7Le Atua o ‘au e, ia e toe faafoisia i matou, ma ia malamalama mai ou fofoga; ona faaolaina ai lea o i matou.
8Na e aumaia le vine nai Aikupito; na e tulia nuu ese, ma e totōina ai.
9Na e teuteua le laueleele mo lea vine; na e faasosoloina foi ona aa, ua tumu ai le nuu.
10Ua maluia mauga i lona paolo, o ona la foi e pei o arasi silisili.
11Ua ia faasosolo atu ona lava la e oo atu i le sami, o ona tatupu foi e oo atu i le vaitafe.
12Se a le mea na e sōloia ai ona pa, ina ia tau ona fua e i latou uma o e ui ane i le ala?
13Ua faataumaoi ai e le puaa mai le vao, o manu foi e tataa latou te aai ai.
14Le Atua o ‘au e, ia e toe foi mai lava; ia e silasila mai mai le lagi, ma e silafia, ma ia e asiasi i lenei vine,
15o le pogai lava na totōina e lou aao taumatau, o le atalii foi na e faamalosia mo oe.
16Ua susunuina i le afi, ua tuu i lalo; e fano i latou i le aoaiga mai ou fofoga.
17Ia faaee lou aao i luga o le tagata o lou aao taumatau, o le atalii o le tagata na e faamalosia mo oe.
18Matou te le tuumuli ia te oe; ia e faaola mai ia te i matou, ona matou valaau atu ai lea i lou suafa.
19Ieova e, le Atua o ‘au, ia e faafoisia i matou; ia malamalama mai ou fofoga; ona faaolaina ai lea o i matou.
Who We AreWhat We EelieveWhat We Do
2025 by iamachristian.org,Inc All rights reserved.
