1Ia outou avatu le tamai mamoe i le alii e pule i le nuu, e alu atu i Sela e ui atu i le vao, i le mauga o le tama fafine a Siona.
2Auā e pei o le manu ua sola ua tulia i lona ofaga, e faapea tama fafine a Moapi i asaga o Arinona.
3Ina fai ia sau pule, ina faatonu mai ia; ia outou faapaolo mai, peiseai o le po le aoauli; ina nanā ia e ua tulia, aua ne‘i faaalia e ua sosola.
4Se‘i tou mau ia ma e ua tulia o Moapi; ia fai oe ma lafitaga ia te i latou i le na te faaumatia; auā e mavae atu le ua faasaua, e uma foi le malaia, e faaumatia le na solia i latou ai le laueleele.
5Ona faatumauina lea o le nofoālii i le alofa, e nofo ai foi ma le faamaoni i le fale ie o Tavita, o le na te faamasinoina, ma tausisi i le faamasinoga, e faataalise foi o ia i le amiotonu.
6Ua matou faalogo atu i le faamaualuga o Moapi, ua matuā faamaualuga ia, o lona faamaualuga, ma lona faasiasia ma lona faasausili; e pepelo ana upu faatauvaa.
7O le mea lea e uio ai Moapi ona o Moapi, e uio i latou uma lava; tou te feoi ona o faavae o Kiriaresa, ua taia lava i latou.
8Auā ua mamae fanua o Hesepona; o le vine o Sepema ua gauieseina ona la e alii o nuu ese; na latou oo i Iasaru, na sosolo atu i le vao; na salalau ona la, na sopoia atu le sami.
9O le mea lea ou te tagi ai ma le tagi o Iasaru ona o le vine o Sepema; ou te faasūsūina oe i o‘u loimata, Hesepona e ma Eleale e; auā ua pa atu le alaga i a outou fua otatā, ma la outou seleselegāsaito.
10Ua aveesea foi le fiafia ma le olioli i le fanua lafulemu, e leai se alaga fiafia, e leai foi se pisa i tovine; o lē solia vine na te le solia ni uaina i soligavine; ua ou faaiuina le alaga fiafia.
11O le mea lea e tagi ai lo‘u manava pei o le kitara ona o Moapi, atoa ma lo‘u loto ona o Kiriaresa.
12A iloa foi Moapi pe a lailoa o ia i luga o le mea maualuga, ona alu atu ai lea o ia i lona malumalu e tatalo ai, a e le mafai o ia.
13O le afioga lea a Ieova na ia fetalai mai ai ia Moapi anamua;
14a o ona po nei o loo fetalai mai ai Ieova, o loo faapea mai, O tausaga e tolu, e tusa ma tausaga o le ua galue i le taui, e ta‘ufaatauvaaina ai le mamalu o Moapi, ma le vao tagata uma e toatele; o e ua totoe foi e matuā toaitiiti lava i latou, e leai se malosi.
Who We AreWhat We EelieveWhat We Do
2025 by iamachristian.org,Inc All rights reserved.
