1O savaliga ia a le fanauga a Isaraelu, e na o mai mai le nuu o Aikupito, i a latou ‘au i le pule a Mose ma Arona.
2Na tusia e Mose o mea na latou o mai ai i o latou savaliga e tusa ma le afioga a Ieova. O latou savaliga ia i mea na latou o mai ai.
3Na o mai i latou mai Ramese i le masina muamua, i le aso e sefulu ma le lima o le masina muamua; o le aso ua aupito mai i le paseka na o mai ai le fanauga a Isaraelu ma le lima malosi i luma o Aikupito uma.
4Auā na tatanu e Aikupito o ulumatua uma na fasiotia e Ieova ia te i latou na faasalaina foi e Ieova o latou atua.
5Na o mai le fanauga a Isaraelu mai Ramese, ma latou to lauapi i Sukota.
6Na latou o mai mai Sukota, ma latou to lauapi i Etama, o loo tupito i le vao.
7Na latou o mai mai Etama, ona toe foi atu lea i Peairota, ua fesagai ma Paalasefona, ma latou to lauapi i luma o Mekatala.
8Na latou o mai mai luma o Airota, ona latou ui atu lea i totonu o le sami i le vao, e tolu aso o la latou malaga i le vao o Etama, ona latou to lauapi ai lea i Mara.
9Na latou o mai mai Mara, ona oo mai ai lea o i latou i Ailima; ua i Ailima o vaipuna e sefulu ma le lua, ma pama e fitugafulu; ua latou to lauapi ai.
10Na latou o mai mai Ailima, ma latou to lauapi e latalata ane i le sami Ulaula.
11Na latou o mai mai le sami Ulaula, ma latou to lauapi i le vao o Sina.
12Na latou o mai mai le vao o Sina, ma latou to lauapi i Tapeka.
13Na latou o mai mai Tapeka, ma latou to lauapi i Alusa.
14Na latou o mai mai Alusa, ma latou to lauapi i Refiti; sa leai se vai i lea mea e feinu ai le nuu.
15Na latou o mai mai Refiti, ma latou to lauapi i le vao o Sinai.
16Na latou o mai mai le vao o Sinai, ma latou to lauapi i Kiperota-atava.
17Na latou o mai mai Kiperota-atava, ma latou to lauapi i Haserota.
18Na latou o mai mai Haserota, ma latou to lauapi i Ritima.
19Na latou o mai mai Ritima, ma latou to lauapi i Rimoni-paresa.
20Na latou o mai mai Rimoni-paresa, ma latou to lauapi i Lipena.
21Na latou o mai mai Lipena, ma latou to lauapi i Risa.
22Na latou o mai mai Risa, ma latou to lauapi i Kailata.
23Na latou o mai mai Kailata, ma latou to lauapi i le mauga o Sapera.
24Na latou o mai mai le mauga o Sapera, ma latou to lauapi i Harata.
25Na latou o mai mai Harata, ma latou to lauapi i Makelota.
26Na latou o mai mai Makelota, ma latou to lauapi i Taata.
27Na latou o mai mai Taata, ma latou to lauapi i Tara.
28Na latou o mai mai Tara, ma latou to lauapi i Meteka.
29Na latou o mai mai Meteka, ma latou to lauapi i Hasamoni.
30Na latou o mai mai Hasamoni, ma latou to lauapi i Moserota.
31Na latou o mai mai Moserota, ma latou to lauapi i Peneakana.
32Na latou o mai mai Peneakana, ma latou to lauapi i Horokikata.
33Na latou o mai mai Horokikata, ma latou to lauapi i Iatepata.
34Na latou o mai mai Iatepata, ma latou to lauapi i Aperona.
35Na latou o mai mai Aperona, ma latou to lauapi i Esiokape.
36Na latou o mai mai Esiokape, ma latou to lauapi i le vao o Tisina, o Katesa lea.
37Na latou o mai mai Katesa, ma latou to lauapi i le mauga o Horo, i le pito nuu o Etoma.
38Na alu ae Arona le ositaulaga i le mauga o Horo, e tusa ma le afioga a Ieova, ona oti ai lea o ia i lea mea i le tausaga e fagafulu talu ona o mai o le fanauga a Isaraelu ai le nuu o Aikupito, i le aso muamua o le masina e lima.
39E tasi le selau ma le luafulu ma le tolu o tausaga o Arona ina ua oti o ia i le mauga o Horo.
40Na faalogo le tupu o Arata, o le sa Kananā, o le na nofo i Kanana, i le itu i toga, ua o mai le fanauga a Isaraelu.
41Na latou o mai mai le mauga o Horo, ma latou to lauapi i Salemoni.
42Na latou o mai mai Salemoni, ma latou to lauapi i Pinono.
43Na latou o mai mai Pinono, ma latou to lauapi i Opoto.
44Na latou o mai mai Opoto, ma latou to lauapi i Ieaperima, o i le tuaoi o Moapi.
45Na latou o mai mai lima, ma latou to lauapi i Tipona-kato.
46Na latou o mai mai Tipona-kato, ma latou to lauapi i Alemoni-tipelata.
47Na latou o mai mai Alemoni-tipelata, ma latou to lauapi i mauga o Aperima, e feagai ma Nepo.
48Na latou o mai mai mauga o Aperima, ma latou to lauapi i le eleele laugatasi o Moapi, e latalata ane i Ioritana e fesagai ma Ieriko.
49Na to lauapi i latou e latalata ane i Ioritana, pau mai i Petesemota, pau mai i Apelasetima, i le eleele laugatasi o Moapi.
50Ona fetalai mai lea o Ieova ia Mose i le eleele laugatasi o Moapi, e latalata ane i Ioritana, e fesagai ma Ieriko, ua faapea mai,
51Ia e fai atu i le fanauga a Isaraelu, ia faapea atu ia te i latou, A outou oo atu i lela itu o Ioritana i le nuu o Kanana,
52ona outou tulia ai lea o e o nonofo i le nuu uma lava ai o outou luma, ia outou faaumatia a latou faatagata uma lava, ia faaumatia foi e outou a latou tupua uamea lava; o a latou mea maualuluga uma lava tou te matuā faaumatia.
53Ia tulia e outou le nuu, ma outou nonofo ai; auā ua ou tuuina atu le nuu ia te outou e fai mo outou tofi.
54Tou te tofitofi le nuu i le vili e fai ma tofi i o outou aiga; o e toatele ia outou avatu i ai le tofi ia tele; a o e toaitiiti, ia outou avatu i ai le tofi ia itiiti; o le mea e faasaga i ai le vili a le tagata e fai lea mona, e maua o outou tofi i itu aiga o outou tamā.
55A e afai tou te le tulia i o outou luma o e o nonofo i le nuu, ona avea lea o i latou o e ua outou faatotoeina, ma mea matuitui i o outou mata, ma laau talatala i o outou itu, ma latou faatiga ia te outou i le nuu tou te nonofo ai.
56E iu foi ina ou faia ia te outou e faapei ona ou manatu e fai ia te i latou.
Who We AreWhat We EelieveWhat We Do
2025 by iamachristian.org,Inc All rights reserved.
