1Ona tali atu ai lea o Iopu, ua faapea atu,
2O lenei lava aso ua tele ai lo‘u tagi; ua mamafa ifo le aao ua oo mai ia te au e sili i lo‘u mapuitiga.
3E, ta fia iloa po o ifea le mea ou te maua ai o ia: ia ou oo atu lava i lona afioaga!
4Ou te sauni atu i ona luma la‘u finauga, ma faateleina a‘u upu e faatonu atu ai.
5Ou te iloa ai ana afioga na te tali mai ai ia te au; ou te faalogo atu ai foi pe se a lana e fetalai mai ai ia te au.
6E finau mai ea o ia ia te au i lona malosi tele? E leai; a e manatu mai lava o ia ia te au.
7Ona fai ai lea e le ua amiotonu le faatonuga ma ia; ona ou sao ai lea e faavavau i le na te faamasino mai ia te au.
8Faauta mai, ou te alu atu i luma, a e le o i ai o ia, ma tua foi, a e ou te le iloa o ia.
9Ou te alu i le itu tauagavale o loo galue ai o ia, a e ou te le maua o ia; ua ufitia o ia i le itu taumatau, ou te le vaaia foi o ia.
10A e peitai ua silafia e ia lo‘u lava ala; a tofotofoina a‘u, ou te sao atu ai e pei o le auro.
11Ua tumau o‘u vae i ona tulagaaao; ua ou tausisi i lona ala, ua ou le liliu ese ai lava.
12Ua ou le alu ese foi i le poloaiga a ona laufofoga; ua sili lo‘u tausi i afioga a lona fofoga i a‘u sauniga.
13A o ia e tasi lava lona finagalo, Po o ai ea se faafoi atu ia te ia? Ua faia e ia le mea ua ia finagalo i ai.
14Auā e faataunuuina e ia le mea ua saunia mo a‘u. E tele foi mea faapena ua ia te ia.
15O le mea lea ua ou atuatuvale ai i ona luma; a ou manatunatu, ona ou mata‘u ai lea ia te ia.
16Auā ua faavaivaia e le Atua lo‘u loto; ua faaatuatuvaleina foi a‘u e Le e ona le malosi uma lava; ina ua le faaumatia
17a‘u a o lei oo mai le pouliuli; mona ua le ufitia e ia le pogisa ai o‘u luma.
Who We AreWhat We EelieveWhat We Do
2025 by iamachristian.org,Inc All rights reserved.
