1Ua toe faapotopoto e Tavita tagata ua filifilia uma o Isaraelu, e tolu sefulu o afe.
2Ona tulai lea o Tavita, ua alu o ia ma le nuu uma sa ia te ia mai Paala-Iuta, ina ia avae ai le atolaau a le Atua, ua faaigoa ai i le suafa, o le suafa lava o Ioeva o ‘au o lē afio i ona luga i le va o kerupi.
3Ua latou faaee le atolaau a le Atua i le fata faataavalevale fou, ua latou avae ai nai le fale o Apinatapa i Kipea; a o Usa ma Aio, o atalii o Apinatapa, ua la ta‘ita‘ia le fata faataavalevale fou.
4Ua latou avae ai nai le fale o Apinatapa i Kipea, atoa ma le atolaau a le Atua, ua muamua foi Aio i luma o le atolaau.
5A o Tavita ma le aiga uma o Isaraelu na latou sisiva i luma o Ieova, ma latou ta laaupese uma e fai i le perosi, ma kitara, ma napeli, ma topa, ma lulutagitagi, ma sumepalo.
6Ua oo i latou i le mea e sasa ai saito a Nakano, ona tago atu lea o Usa i le atoloau a le Atua, ma na taofia ai, auā ua taupaū povi.
7Ona tupu ai lea o le toasa o Ieova ia Usa, ona fasia lea o ia e le Atua i lea lava mea ona o lona sese, i le, ua oti ai o ia i lea mea i tafatafa o le atolaau a le Atua.
8Ua tiga Tavita ina ua lipi Usa ia Ieova; ona ia faaigoa ai lea o lea mea o Faresausa, ua oo mai i le aso nei.
9Ua fefe Tavita ia Ieova i lea aso, ua fai ane, Pe faapefea ea ona oo mai o le atolaau a Ieova ia te au?
10Ua le mafai Tavita ona aumaia ia te ia o le atolaau a Ieova i le aai a Tavita; a ua avane ai e Tavita i le fale o Opeteetoma o lo sa Katā.
11Ona tuu ai lea o le atolaau a Ieova i le fale o Opete-etoma o lo sa Katā i masina e tolu; ona faamanuia ai lea e Ieova ia Opete-etoma ma lona aiga uma.
12Ona ta‘uina mai lea ia Tavita le tupu, ua faapea, Ua faamanuia e Ieova le aiga o Opete-etoma, atoa ma mea uma ua ia te ia ona o le atolaau a le Atua. Ona alu lea o Tavita ua ave ma le fiafia le atolaau a le Atua ai le fale o Opete-etoma i le aai a Tavita.
13Ua uma ona savavali e na avae le atolaau a Ieova i laasaga e ono, ona fai taulaga lea o ia i povi ma manu pepeti.
14Ona siva lea o Tavita, ua faamalosi ai lava i luma o Ieova; sa ofu Tavita i le efota ia vavae.
15O Tavita ma le aiga uma o Isaraelu ua latou avae le atolaau a Ieova ma le alalaga ma le ili o le pu.
16Ua au mai le atolaau a Ieova i le aai a Tavita, ona vaai mai lea o Mekala le afafine o Saulo i le faamalama, ua na iloa Tavita le tupu, o loo osooso ma sivasiva i luma o Ieova, ona ‘ino‘ino lea o ia ia te ia i lona loto.
17Ua latou avatu le atolaau a Ieova, ma latou tuu atu ai i le mea e tuu ai i totonu o le fale ie na fai ai e Tavita; ona fai ai lea e Tavita o taulaga mu i luma o Ieova, atoa ma taulaga faafetai.
18Ua faauma e Tavita ona fai o taulaga mu ma taulaga faafetai, ona faamanuia lea e ia le nuu i le suafa o Ieova o a‘u.
19Ona tufatufa atu lea e ia i le nuu uma, atoa uma le vao tagata o Isaraelu, o tane atoa ma fafine, e taitasi ma le potoi areto e tasi, ma le ipu uaina e tasi, ma le areto suamalie e tasi; ona tai tasi lea o le nuu uma ma alu i lona aiga.
20Ona foi atu lea o Tavita e faamanuia lona aiga; ua sau Mekala le afafine o Saulo e faafetaiai ia Tavita, ona fai mai lea o ia, Ua mamalu naūa i le asō le tupu o Isaraelu, le na faalelavalavā i le asō i luma o auauna fafine a ana auauna, e pei ona faalelavalavā se ulavale.
21Ua fai atu Tavita ia Mekala, Na faia i luma o Ieova, sa na filifilia a‘u, ae tuua lou tamā ma lona aiga uma, na tofia a‘u e pule i le nuu o Ieova, o Isaraelu lava ia, ou te siva ai lava i luma o Ieova;
22ou te toe faaleaogaina a‘u e a‘u e sili i lena, ma ou faamaulalo lava; a o auauna fafine, na e fai mai ai, e viia lava a‘u e i latou.
23O Mekala foi le afafine o Saulo, sa leai sana fanau, ua oo i le aso o lona oti.
Who We AreWhat We EelieveWhat We Do
2025 by iamachristian.org,Inc All rights reserved.
