1O le avega o le afioga a Ieova ia Isaraelu; o loo fetalai mai Ieova le ua faamafolafola le lagi, ma faavaeina le lalolagi, na ia faia foi le agaga o le tagata i totonu ia te ia; faauta,
2o a‘u lava ou te faia Ierusalema ma ipu e tautevateva ai nuu uma o vagavagai; e i ai foi ia Iuta pe a vagaia Ierusalema.
3O lea aso foi ou te fai ai Ierusalema ma maa mamafa i nuu uma; atoa uma o e sii i ai, e matuā manunua ai i latou; a e faapotopotoina nuu uma lava o le lalolagi latou te tau.
4Ua fetalai mai Ieova, O le aso lava lea ou te taia ai solofanua uma i le atuatuvale, ma e o tietie ai i le faavalemalosi; a o le aiga o Iuta, ou te vaavaai lava i ai; o solofanua uma a nuu ou te taia ia i le tauaso.
5O alii o Iuta latou te faapea i o latou loto, E fai mo‘u malosi o e nonofo i Ierusalema ia Ieova o ‘au lo latou Atua.
6O le aso lea ou te faia ai o alii o Iuta e pei o le taigaafi i laau, e pei o le sulu foi ua mu i le fusi saito; latou te faaumatia nuu uma e siosio mai i le itu taumatau ma le itu tauagavale; e toe mau foi Ierusalema i lona lava nuu o Ierusalema.
7E faaolaina foi e Ieova o fale ie o Iuta, e muamua lava, ina ia le faasilisili le viiga o le aiga o Tavita, ma le viiga o e nonofo i Ierusalema ia Iuta.
8O lea aso e faamamalu mai ai Ieova i e o nonofo i Ierusalema; o so latou ua vaivai i lea aso e pei o Tavita ia; o le aiga o Tavita, e pei o le Atua ia, e pei o le agelu a Ieova i o latou luma.
9O lea aso foi ou te saili ai ia faaumatia nuu uma lava o e o mai e tau ma Ierusalema.
10Ou te liligi ifo i luga o le aiga o Tavita, ma luga o e nonofo i Ierusalema le agaga o le alofa tunoa ma talosaga, latou te vaavaai mai ia te au na latou tu‘ia; latou te tagitu‘i foi ia te ia, e pei ona tagitu‘i i le atalii e toatasi, ma latou faanoanoa ia te ia, e pei ona faanoanoa i le ulumatua.
11O lea aso e tele ai le taufaitagitu‘i i Ierusalema, e pei o le tagitu‘i i Atatarimoni i le vanu o Mekito.
12E taufaitagitu‘i le nuu e tagi a aiga; o le aiga o sa Tavitā, na o i latou, ma a latou avā, ua na o i latou; o le aiga o sa Natanā, na o i latou, ma a latou avā, na o i latou;
13o le aiga o sa Levī, ua na o i latou, ma a latou avā, na o i latou; o le aiga o Semi, na o i latou, ma a latou avā, na o i latou.
14O aiga uma o e totoe, o aiga taitasi na o i latou, ma a latou avā na o i latou.
Who We AreWhat We EelieveWhat We Do
2025 by iamachristian.org,Inc All rights reserved.
