1O toe upu nei a Tavita; na fai ane Tavita le atalii o Iese, ua fai ane le tagata ua faaeaina, o le ua faauuina e le Atua o Iakopo, o le faipese malie o Isaraelu.
2O a‘u na fetalai ane ai le Agaga o Ieova; o lana afioga foi sa i lo‘u laulaufaiva.
3Na fetalai mai ia te au le Atua o Isaraelu; o le papa o Isaraelu, ua fetalai mai o ia. O le ua pule i tagata ia faia ma le tonu; ia pule ma le mata‘u i le Atua;
4e pei o le malamalama o le taeao ina ua alu ae le la, o le taeao e leai ni ao uli; e pei o le vao mu‘a mai le eleele i le pupula mai mai le timuga.
5E ui lava ina le faapea lo‘u aiga ma le Atua, a ua na osi se feagaiga e faavavau ma a‘u, o loo saunia i mea uma lava, ma ua tausia; auā e ui lava ona le faauluolaina e ia, ona gata lea o lo‘u olataga, ona gata foi lea o lo‘u olataga, ona gata foi lea o lo‘u manao.
6A o e ulavavale, e pei o laau tuitui, ua lafoaiina i latou uma lava; auā e le tagofia i latou e lima.
7A o le tagata na te tago i ai, e ao ina i ai ia te ia se uamea ma le fuata o le tao; e matuā susunuina i latou i le afi i lea lava mea.
8O igoa nei o toa sa ia Tavita; o lē nofo i le nofoa o le Takamoni, e sili o ia i le toatolu, o Atino lea le Asoni; na sii lona tao i e toavalu galau na fasiotia i le aso e tasi.
9E aupito ane i ai o Eleasaro le atalii o Toto, le atalii o Aoki, sa i le au toa e toatolu faatasi ma Tavita, ina ua latou faifai ia Filisitia sa faapotopotoina i lea mea i le taua, a ua o ae tagata o Isaraelu;
10o ia lava na tu ma fasi ia Filisitia, ua oo ina ua gase lona lima, ma ua pipii lona lima ma le pelu; ua faia lava e Ieova le faaolataga tele i lea aso; ua foi atu le nuu o mulimuli ia te ia na ona vete.
11E aupito ane ia te ia o Sama le atalii o Aka le Arari; sa faapotopoto Filisitia i le ‘au, sa i ai le fāsi fanua ua lilo i atasema; na sosola ai le nuu i luma o Filisitia.
12Na tu o ia i totonu o le fanua, ma na faasaoina ai, ma na fasi ia Filisitia; ua faia foi e Ieova le faaolataga tele.
13Na o ifo foi le toatolu mai le toatolugafulu o e ua sili, ua oo atu i ona po o le seleselegāsaito ia Tavita i le ana i Atulama; a ua to lauapi le ‘au a Filisitia i le vanu o sa Rafā.
14O ona po ia sa nofo ‘olo ai Tavita; a o le leoleoga o Filisitia sa i Peteleema ia.
15Ona manao ai lea o Tavita, ua faapea, Ta fia inu vai o le vaieli i Peteleema o loo i le faitotoa!
16Ona sofaia lea e nei toa e toatolu i le togālauapi a Filisitia, ma latou utu vai mai le vaieli i Peteleema ua i le faitotoa; ua avae ai, ma au mai ia Tavita, a ua le mafai o ia ona inu ai, a ua liligi atu ia Ieova;
17ua fai ane o ia, Ieova e, ia mamao ia te au ona faia o lenei mea; e le o le toto ea lenei o nei tagata, na latou o toai i ai? E le mafai ia te ia ona inu ai. O mea ia na faia e nei toa e toatolu.
18O Apisai foi le uso o Ioapo, le tama a Seruia, o ia na sili i le toatolu; o ia foi na sii lona tao i le toatolu galau na fasia e ia; sa ta‘ua o ia faatasi ma le toatolu.
19E le na sili ea ona viia o ia i le toatolu? Sa fai ma alii o ia ia te i latou, a ua le aulia le muai toatolu.
20O Penaia foi le ataii o Ioiata, le atalii o le tagata malosi mai Kapeseelu, na faia mea tetele; o ia na fasi i tagata o Moapi e faamataleona e toalua; o ia foi na alu ifo, ma fasi le leona i totonu o le lua i ona po o kiona.
21O ia foi na fasi le tagata Aikupito, o le tagata aulelei; sa i le lima o le Aikupito le tao, na ia alu ifo ia te ia ma le tootoo, ma na seia le tao ai le lima o le Aikupito, ma fasioti ia te ia i lona lava tao.
22O mea nei na faia e Penaia le atalii o Ioiata, sa ta‘ua foi o ia faatasi ma toa e toatolu;
23e sili ona viia o ia i le toatolu sefulu, a e lei aulia le muai toatolu; na tofia o ia e Tavita e pule i e na faafeao ia te ia.
24O Asaelu le uso o Ioapo, o so le toatolu sefulu o ia; o Eleana le atalii o Toto le Peteleema,
25o Sama le Haroti
26o Elika le Haroti, o Helesa le Peleti, o Ira le atalii o Ikesa le Tikoa,
27o Apieseru le Anatota, o Mepuna o lo le fanau a Usa,
28o Salemoni le sa Aokī, o Maarai le sa Netopā,
29o Helepa le atalii o Paana le sa Netopā, o Itai le atalii o Ripai le Kipea o le aai o le fanauga a Peniamina,
30o Penaia le Piratonu, o Hitai mai vaitafe o Kaasa,
31o Apielepona le Arepa, o Asemau le Pa‘uma,
32o Eliepa le Saalepo, o le tasi atalii o Iasanu,
33o Ionatana, o Sama le Harari, o Aiamu le atalii o Saru le Arari,
34o Elipelete le atalii o Asepai, le atalii o le Maakati, o Eliamu le atalii o Aitofele le Kilo,
35o Heserai le Karamelu, o Pagarai le Arapa,
36o Ikalo le atalii o Natano mai Sopa,
37o Pani le Kato, o Seleka le Amoni, o Naarai le Perota le soātau o Ioapo le tama a Seruia,
38o Ira le sa Ieterō, o Karepa le sa Ieterō,
39o Uria le sa Hetī; o ona atoatoa e toatolugafulu ma le toafitu.
Who We AreWhat We EelieveWhat We Do
2025 by iamachristian.org,Inc All rights reserved.
