1O oe na le sili ona lalelei i fafine, po o fea ua alu i ai lou manamea? po o fea ua afe ane i ai lou manamea, ia tatou sailiili ia te ia faatasi ma oe?
2Ua alu ifo lo‘u manamea i lana faatoaga, i topasama, e taumafa i ana faatoaga, ma tau ai susana.
3O lo‘u manamea ua fai a‘u mona, o ia foi ua fai mo‘u; o loo taumafa o ia i totonu o susana.
4La‘u pele e, ua lalelei oe, e pei o Tiresa; ua aulelei e pei o Ierusalema; ua matautia e pei o le ‘au ua i ai tagavai.
5Ina liliu ese ia ou fofoga ia te au, auā ua ou fefe ai; o lou lauulu ua pei o fulufulu o le lafu ‘oti ua taooto mai i Kiliata.
6O ou nifo ua pei o le lafu mamoe ua o ae ai le fulufuluga, e taitasi o i latou uma ma taiuilua, e leai foi se tasi o i latou e pa.
7Ua pei o se fāsi rimoni ou alafau i totonu o lou ie ufimata.
8E toaonogafulu o masiofo; e toavalugafulu o palake; o taupou foi e le mafaitaulia.
9O la‘u lupe, o le ua sao ona lelei, e toatasi o ia, o le toatasi o ia i lona tinā, o le pele a le na fanaua o ia. Na vaavaai mai ia te ia o teine, ona latou faaamuia mai ai lea ia te ia. O masiofo ma palake na latou vivii mai foi ia te ia.
10O ai ea lena ua sisila mai e pei o le taeao; e lalelei mai e pei o le masina; e pupula mai e pei o le la; e matautia e pei o le ‘au ua i ai tagavai?
11Na ou alu ifo i lo‘u toekosi, e matamata ai i mea e tutupu i le vanu; e matamata po ua fuga le vine, po ua mātala fuga o rimoni.
12A o lei iloa e a‘u ua tuuina ai a‘u e lo‘u loto i kariota o Aminatipo.
13Foi mai ia, ina foi mai ia, le Sulami e; ia e foi mai, foi mai ia, matou te maimoa ai ia te oe. Tou te maimoa i ni a i le Sulami? E peiseai o le siva o ‘au e lua.
Who We AreWhat We EelieveWhat We Do
2025 by iamachristian.org,Inc All rights reserved.
