1Aua ne‘i ia te i matou, Ieova e, aua ne‘i ia te i matou, a ia tuuina atu le viiga i lou suafa, ona o lou alofa ma lou faamaoni.
2Se a le mea e fai mai ai nuu ese, O ifea o i ai lo latou Atua?
3A o lo matou Atua, o i le lagi lava ia; ua faia e ia o mea uma ua ia finagalo i ai.
4O latou tupua, o ario ma auro ia, o le galuega a lima o tagata.
5E fai o latou gutu, a e le feganavai i latou; e fai o latou mata, a e le vaai i latou;
6e fai o latou taliga, a e le faalogo i latou; e fai o latou isu, a e le sogisogi i latou;
7e fai o latou lima, a e le fetagofi i latou; e fai o latou vae, a e le savavali i latou; e leai se leo i o latou faaī.
8O e faia ia mea ua tutusa lava ma i latou; o i latou uma o e faatuatua i ai.
9Isaraelu e, ia e faatuatua ia Ieova; o ia lava lo latou fesoasoani ma lo latou talita.
10Le aiga o Arona e, faatuatua ia outou ia Ieova; o ia lava lo latou fesoasoani ma lo latou talita.
11Outou na, o e matatau ia Ieova, ina faatuatua ia ia Ieova; o ia lava lo latou fesoasoani ma lo latou talita.
12Ua manatu mai Ieova ia i tatou; e faamanuina mai e ia; e faamanuia e ia le aiga o Isaraelu; e faamanuia e ia le aiga o Arona.
13E faamanuia mai e ia i e matatau ia Ieova, o tagatānuu atoa ma alii.
14E faaopoopoina ia te outou e Ieova, o outou atoa ma la outou fanau.
15O loo faamanuia mai outou e Ieova, o le na faia le lagi atoa ma le lalolagi.
16O le lagi, o le lagi lava, e ia Ieova lea; a ua tuuina mai e ia le lalolagi mo le fanau a tagata.
17E le vivii atu ia Ioa e ua oti, ma i latou uma o e ō ifo i le mea taaligoligoa.
18A o i tatou nei, tatou te faamanū atu ia Ioa, e afua mai nei lava, a e oo i le faavavau. Ia outou vivii atu ia Ioa.
Who We AreWhat We EelieveWhat We Do
2025 by iamachristian.org,Inc All rights reserved.
