I. NOFOAIGA A TUPU, 25 - Samoan Old Version Bible

O LE MATAUPU XXV.O le tofia o le au fai pese.

1O Tavita ma alii o ‘au ua vavaeeseina mo le galuega i atalii o Asafo, ma Hemana, ma Iutana, e perofeta i kitara, ma napeli, ma sumepalo; o le faitau foi lenei o i latou o tagata fai galuega e tusa ma a latou galuega;

2o atalii o Asafo, o Sakuro, ma Iosefa, ma Netania, ma Asarelu, o atalii o Asafo e pule ai Asafo, o le na perofeta ane e tusa ma le poloaiga a le tupu.

3O Iutana; o atalii o Iutana, o Ketalaia, ma Seri, ma Isaia, o Hasapea, ma Matitia, e toaono, e pule ai lo latou tamā o Iutana, o le na perofeta i kitara e faafetai ma vivii atu ia Ieova.

4O Hemana; o atalii o Hemana, o Pukia, o Matania, o Usialu, o Sepuelu, ma Ieremota, o Hanania, o Hanani, o Eliata, o Kitaleti, ma Romameti-esera, o Isepekasa, o Maloti, o Otira, o Maasiota;

5o i latou uma ia o atalii o Hemana, o le tagata vaai a le tupu i mea a le Atua, e faamaualugaina le nifo. Ua foai mai foi e le Atua ia Hemana o atalii e toasefulu ma le toafa, ma afafine e toatolu.

6O i latou uma ia na pule ai lo latou tamā i pesega i le fale o Ieova i sumepalo, ma napeli, ma kitara, mo le galuega i le fale o le Atua, e pei o le poloaiga a le tupu ia Asafo, ma Iutana, ma Hemana.

7O le faitau aofai o i latou, atoa ma o latou uso o e na a‘oa‘oina i pesega ia Ieova, o i latou uma e na popoto, e lua selau ma le valu o sefulu ma le toavalu.

8Ua latou fai ai le vili i o latou tausiga, o e iti e tusa ma e matutua, o le a‘oa‘o ma le ua a‘oa‘oina.

9Ua faasaga le vili muamua a Asafo ia Iosefa; o lona lua ia Ketalia, o ia, ma ona uso, ma ona atalii, e toasefulu ma le toalua;

10o lona tolu ia Sakuro, o ia, ma ona atalii, ma ona uso, e toasefulu ma le toalua;

11o lona fa ia Iesaru, o ia, ma ona atalii, ma ona uso, e toasefulu ma le toalua;

12o lona lima ia Netania, o ia, ma ona atalii, ma ona uso, e toasefulu ma le toalua;

13o lona ono ia Pukia, o ia, ma ona atalii, ma ona uso, e toasefulu ma le toalua;

14o lona fitu ia Isaraelu, o ia, ma ona atalii, ma ona uso, e toasefulu ma le toalua;

15o lona valu ia Isaia, o ia, ma ona atalii, ma ona uso, e toasefulu ma le toalua;

16o lona iva ia Matania, o ia, ma ona atalii, ma ona uso, e toasefulu ma le toalua;

17o lona sefulu ia Semi, o ia, ma ona atalii, ma ona uso, e toasefulu ma le toalua;

18o lona sefulu ma le tasi ia Asareelu, o ia, ma ona atalii, ma ona uso, e toasefulu ma le toalua;

19o lona sefulu ma le lua ia Hasapea, o ia, ma ona atalii, ma ona uso, e toaseefulu ma le toalua;

20o lona sefulu ma le tolu ia Sopaelu, o ia, ma ona atalii, ma ona uso, e toasefulu ma le toalua;

21O lona sefulu ma le fa ia Matitia, o ia, ma ona atalii, ma ona uso, e toasefulu ma le toalua;

22o lona sefulu ma le lima ia Ieremota, o ia, ma ona atalii, ma ona uso, e toasefulu ma le toalua;

23o lona sefulu ma le ono ia Hanania, o ia, ma ona atalii, ma ona uso, e toasefulu ma le toalua;

24o lona sefulu ma le fitu ia Isepekasa, o ia, ma ona atalii, ma ona uso, e toasefulu ma le toalua;

25o lona sefulu ma le valu ia Hanani, o ia, ma ona atalii, ma ona uso, e toasefulu ma le toalua;

26o lona sefulu ma le iva ia Maloti, o ia, ma ona atalii, ma ona uso, e toasefulu ma le toalua;

27o lona lua sefulu ia Eliata, o ia, ma ona atalii, ma ona uso, e toasefulu ma le toalua;

28o lona lua sefulu ma le tasi ia Otira, o ia, ma ona atalii, ma ona uso, e toasefulu ma le toalua;

29o lona lua sefulu ma le lua ia Kitaleti, o ia, ma ona atalii, ma ona uso, e toasefulu ma le toalua;

30o lona lua sefulu ma le tolu ia Maasiota, o ia, ma ona atalii, ma ona uso, e toasefulu ma le toalua;

31o lona lua sefulu ma le fa ia Romameti-esera, o ia, ma ona atalii, ma ona uso, e toasefulu ma le toalua.