1Ua afua mai le tofi o le fanauga a Iosefa i Ioritana e lata ane i Ieriko, e oo atu i le vai o Ieriko i sasae, i le vao e alu ae mai Ieriko i le mauga o Peteli;
2e alu atu mai Peteli i Lusa, ma ui ane i le tuaoi o Arakiatarota;
3e alu ifo i sisifo i le tuaoi o Iafeleti, e oo atu i le tuaoi o Peteorana i lalo, ma oo atu i Kasera; a o lona gataaga o le sami lea.
4Na maua foi e le fanauga a Iosefa, o Manase ma Efaraima, o latou tofi.
5O le tuaoi foi lenei o le fanauga a Efaraima, e tusa ma o latou aiga; o le tuaoi o lo latou tofi i le itu i sasae o Atarotaatara, e oo atu i Peteorana i luga.
6Ona alu atu lea o le tuaoi i le sami i Mekemeta i le itu i matu; e afe le tuaoi i sasae i Taana-sailo, ma ui atu ai i sasae i Ianoka;
7ona alu ifo ai lea mai Ianoka i Atarota ma Naarata, ma oo atu i Ieriko; ona iu atu ai lea i Ioritana.
8Ua alu atu le tuaoi ai Tapua i sisifo i le alia o Kana; o lona gataaga o le sami lea. O le tofi lea o le itu aiga o le fanauga a Efaraima, e tusa ma o latou aiga.
9O aai foi na vavaeeseina mo le fanauga a Efaraima o i totonu o le tofi o le fanauga a Manase, o aai uma ma o latou faoa aai.
10Na le tulia e i latou o sa Kananā o e nonofo i Kasera; a ua nonofo sa Kananā faatasi ma sa Efaraimā e oo i le aso nei, a ua fai taulaga i latou.
Who We AreWhat We EelieveWhat We Do
2025 by iamachristian.org,Inc All rights reserved.
