I. NOFOAIGA A TUPU, 6 - Samoan Old Version Bible

O LE MATAUPU VI.O gafa o atalii o Levi. O latou faiva ma o latou tofi.

1O Atalii o Levi; o Keresona, o Koato, ma Merari.

2O atalii foi o Koato; o Amaramo, o Isara, ma Heperona, ma Usialu.

3O fanau a Amaramo; o Arona, ma Mose, ma Miriama. O atalii o Arona; o Natapu, ma Aviu, o Eleasaro, ma Itamaro.

4Ua fanaua e Eleasaro o Fineaso, ua fanaua e Fineaso o Apisua,

5ua fanaua e Apisua o Puki, ua fanaua e Puki o Usi,

6ua fanaua e Usi o Serakia, ua fanaua e Serakia o Meraiota,

7ua fanaua o Meraiota o Amaria, ua fanaua e Amaria o Akitopo,

8ua fanaua e Akitopo o Satoka, ua fanaua e Satoka o Aimaasu,

9ua fanaua e Aimaasu o Asaria, ua fanaua e Asaria o Iokana,

10ua fanaua e Iokana o Asaria o ia na faitaulaga i le fale na faia e Solomona i Ierusalema;

11ua fanaua e Asaria o Amaria, ua fanaua e Amaria o Akitopo,

12ua fanaua e Aikitopo o Satoka, ua fanaua e Satoka o Saluma,

13ua fanaua e Saluma o Hilikia, ua fanaua e Hilikia o Asaria,

14ua fanaua e Asaria o Seraia, ua fanaua e Seraia o Iosatako,

15a ua alu atu Iosatako ina ua faatāfeaina e Ieova o Iuta ma Ierusalema i le lima o Nepukanesa.

16O atalii o Levi; o Keresona, o Koato, ma Merari.

17O igoa nei o atalii o Keresona; o Lepeni ma Semi.

18O atalii o Koato; o Amaramo, ma Isara, ma Heperona, ma Usialu.

19O atalii o Merari; o Maali, ma Muse. O aiga ia o sa Levī e faatatau i o latou tamā.

20Na ia Keresona; o Lepeni lona atalii, o Iakata lona atalii, o Sema lona atalii,

21o Ioaa lona atalii, o Itu lona atalii, o Sera lona atalii, o Iatirai lona atalii.

22O le fanauga a Koato; o Aminatapu lona atalii, o Koru lona atalii, o Asiro lona atalii,

23o Elekana lona atalii, ma Aviasafo lona atalii, ma Asiro lona atalii,

24o Taata lona atalii, o Urielu lona atalii, o Usia lona atalii, ma Saulo lona atalii.

25O atalii foi o Elekana; o Amesai, ma Akimota.

26O Elekana; o le fanauga a Elekana; o Sofai lona atalii, ma Nakato lona atalii,

27o Eliapo lona atalii, o Ieroama lona atalii, o Elekana lona atalii.

28O atalii nei o Samuelu; o Vaseni le ulumatua, ma Avia.

29O le fanauga a Merari; o Maali lona atalii, o Lepeni lona atalii, o Semi lona atalii, o Usa lona atalii,

30o Samea lona atalii, o Hakia lona atalii, o Asaia lona atalii.

31O i latou nei sa tofia e Tavita e fai pesega i le fale o Ieova, ina ua tumau ai le atolaau.

32Na latou auauna foi i pese i luma o le malumalu o le fale fetafai o le faapotopotoga, ina seia faia le fale o Ieova e Solomona i Ierusalema, ona latou tutū ai lea i lo latou faiva e tusa ma o latou tofiga.

33O i latou nei na tutū i latou atoa ma o latou atalii. O isi o le fanauga a sa Koatō; o Hemana o le usu pese ia, o le atalii o Ioelu, o le atalii ia o Samuelu,

34o le atalii ia o Elekana, o le atalii ia o Ieroama, o le atalii ia o Elielu, o le atalii ia o Toka,

35o le atalii ia o Sufi, o le atalii ia o Elekana, o le atalii ia o Makata, o le atalii ia o Amesai,

36o le atalii ia o Elekana, o le atalii ia o Ioelu, o le atalii ia o Asaria, o le atalii ia o Sefania,

37o le atalii ia o Taata, o le atalii ia o Asiro, o le atalii ia o Aviasafo,

38o le atalii ia o Koru, o le atalii ia o Isara, o le atalii ia o Koato, o le atalii ia o Levi, o le atalii ia o Isaraelu.

39O lona uso foi o Asafo, o le na tu i lona itu taumatau, o Asafo, o le atalii ia o Perekia, o le atalii ia o Samea,

40o le atalii ia o Mekaeli, o le atalii ia o Paaseia, o le atalii ia o Malakia,

41o le atalii ia o Etini, o le atalii ia o Sera, o le atalii ia o Ataia,

42o le atalii ia o Etano, o le atalii ia o Sema, o le atalii ia o Semi,

43o le atalii o Iakata, o le atalii o Keresona, o le atalii o Levi.

44O latou uso foi o le fanauga a Merari na tutu i latou i le itu tauagavale; o Etano le atalii o Kisi, o le atalii ia o Opeti, o le atalii ia o Maluka,

45o le atalii ia o Hasapea, o le atalii ia o Amasia, o le atalii ia o Hilikia,

46o le atalii ia o Amesi, o le atalii ia o Pani, o le atalii ia o Semeri,

47o le atalii ia o Maali, o le atalii ia o Musi, o le atalii ia o Merari, o le atalii ia o Levi.

48O latou uso foi o sa Levī na tofia i latou i galuega uma lava o le malumalu o le fale o le Atua.

49A o Arona ma ona atalii ua latou fai taulaga i luga o le fata faitaulaga i taulaga mu, ma luga o le fata e mu ai mea manogi, ua tofia i galuega uma i le mea e sili ona paia, e fai ai foi le togiola mo Isaraelu, e tusa ma mea uma na poloai mai ai Mose le auauna a le Atua.

50O le fanauga lenei a Arona; o Eleasaro lona atalii, o Fineaso lona atalii, o Apisua lona atalii,

51o Puki lona atalii, o Usi lona atalii, o Serakia lona atalii,

52o Meraiota lona atalii, o Amaria lona atalii, o Akitopo lona atalii,

53o Satoka lona atalii, o Aimaasu lona atalii.

54O mea nei sa nonofo ai i latou, o atalii o Arona, o aiga o sa Koatō i o latou ‘olo i o latou nuu; auā ua ia te i latou le tofi.

55Na latou tuuina atu ia te i latou o Heperona i le nuu o Iuta, ma ona tuāfanua e siosio ai.

56A o fanua o le aai ma ona faoa aai, na tuuina atu e i latou ia Kalepo le atalii o Iefune.

57Na latou tuuina atu i atalii o Arona o aai o sulufaiga, o Heperona; o Lipena foi ma ona tuāfanua, ma Iatira, ma Esetemoa ma ona tuāfanua,

58o Holona foi ma ona tuāfanua, o Tiperi ma ona tuāfanua,

59o Asana ma ona tuāfanua, ma Petesemesa ma ona tuāfanua,

60O aai o le itu aiga o Peniamina; o Kipea ma ona tuāfanua, ma Alemeta ma ona tuafanua, ma Anatota ma ona tuāfanua. O latou aai uma i o latou aiga, o aai e sefulu ma le tolu.

61O atalii foi o Koato, o e na totoe o le aiga o lena itu aiga, na tuuina atu i ai i le vili o aai e sefulu, ai le vaega o le itu aiga, o le tasi vaega lea o Manase.

62Na avatu foi i atalii o Keresona i o latou aiga, o aai e sefulu ma le tolu, mai le itu aiga o Isakara, ma le itu aiga o Asera, ma le itu aiga o Nafatali, ma le itu aiga o Manase i Vasana.

63Na avatu i atalii o Merari i o latou aiga, i le vili, o aai e sefulu ma le lua, mai le itu aiga o Reupena, ma le itu aiga o Kato, ma le itu aiga o Sepulona.

64Na avatua e le fanauga a Isaraelu i sa Levi o ia aai ma o latou tuāfanua.

65Na tuuina atu e i latou i le vili o aai nei, ua ta‘ua ai o latou igoa, ai le itu aiga o le fanauga a Iuta, ma le itu aiga o le fanauga a Simeona, ma le itu aiga o le fanauga a Peniamina.

66O isi aiga foi o atalii o Koato ua i ai aai i o latou nuu mai le itu aiga o Efaraima.

67Na latou tuuina atu ia te i latou aai o sulufiaga, o Sekema ma ona tuāfanua i le mauga o Efaraima; o Kasera foi ma ona tuāfanua,

68ma Iokameama ma ona tuāfanua, ma Peteorana ma ona tuāfanua,

69o Ailona foi ma ona tuāfanua, ma Katarimoni ma ona taafanua.

70Na avatua foi nai le tasi vaega o le itu aiga o Manase, o Aneri ma ona tuāfanua, ma Pileama ma ona tuāfanua, mo e o totoe o le aiga o atalii o Koato.

71Na avatua i atalii o Keresona, mai le aiga o le tasi vaega o le itu aiga o Manase, o Koleni i Vasana ma ona tuāfanua, ma Aserota ma ona tuāfanua;

72na avatua mai le itu aiga o Isakara, o Katesa ma ona tuāfanua, o Taperu ma ona tuāfanua,

73o Ramota foi ma ona tuāfanua, ma Anima ma ona tuāfanua.

74Na avatua nai le itu aiga o Asera, o Mesala ma ona tuāfanua, ma Apetono ma ona tuāfanua,

75ma Hukoka ma ona tuāfanua, ma Reopa ma ona tuāfanua.

76Na avatua nai le itu aiga o Nafatali, o Katesa i Kalilaia ma ona tuāfanua, ma Hamoni ma ona tuāfanua, ma Kiriatima ma ona tuāfanua.

77O e na totoe o atalii o Merari na avatu i ai mai le itu aiga o Sepulona o Rimoni ma ona tuāfanua, ma Tapora ma ona tuāfanua.

78Na avatua ia te i latou i lela itu o Ioritana e fesagai ma Ieriko, i le itu i sasae o Ioritana, mai le itu aiga o Reupena, o Peseri i le vao ma ona tuāfanua, ma Iaesa ma ona tuāfanua,

79o Katemoti foi ma ona tuāfanua, ma Mefata ma ona tuāfanua.

80Na avatua nai le itu aiga o Kato o Ramota i Kiliata ma ona tuāfanua, ma Maanaima ma ona tuāfanua,

81o Hesepona foi ma ona tuāfanua ma Iasaru ma ona tuāfanua.