1Ieova e, ou te faatuatua ia te oe; aua ne‘i faamaina a‘u e oo i le faavavau.
2Ia e laveai mai ia te au i lau amiotonu, ma ia e faaola mai ia te au; ia e faafofoga mai ia te au, ma ia e faaola mai ia te au.
3Ia fai oe ma papa ou te mau ai, ia ou alu atu pea i ai; ua e pule e faaola mai ia te au; auā o lo‘u papa ma lo‘u ‘olo o oe lava lea.
4Lo‘u Atua e, ia e faaola mai ia te au ai le lima o lē amio leaga, o le lima o lē amio paaa ma le saua.
5Auā o oe lava o lo‘u faamoemoega, le Alii e Ieova, o lo‘u faatuatuaga oe talu ina ou tama itiiti.
6O oe ua lagolago mai ia te a‘u talu ina fanaua o a‘u; na e aumaia a‘u mai le manava o lo‘u tinā; e le aunoa ona ou vivii atu ia te oe.
7Sa fai a‘u e peiseai se mea e ofo ai le toatele; a o oe o lo‘u malu malosi oe.
8E tumu lava lo‘u gutu i lou viiga, ma lou faaneeneega i aso uma lava.
9Aua e te lafoai ia te au i ona po ou te toeaina ai; aua e te tuulafoai mai ia te au pe a mavae atu lo‘u malosi.
10Auā ua upuia a‘u e i latou ua ita mai ia te au; ua taupulepule faatasi e ua lamalama ia oti a‘u.
11Ua faapea ane, Ua tuulafoaiina o ia e le Atua; ia outou tuliloa ma pue ia te ia, auā e leai se na te laveaiina o ia.
12Le Atua e, aua e te mamao ia te au; lo‘u Atua e, ia vave ona e fesoasoani mai ia te au.
13Ia mamā, ia faaumatia i latou o e fai a‘u mo latou fili, ia liloia i le luma ma le masiasi o e sailiili ia leaga ai a‘u.
14A o a‘u, ou te faamoemoe e le aunoa, ma a‘u toe faaopoopoina atu i ou viiga uma lava.
15E ta‘uta‘u atu i lo‘u gutu le amiotonu mai ia te oe, e ta‘uta‘u foi le olataga mai ia te oe i aso uma lava; auā ua le masino ia te au lona faitau aofai.
16Ou te alu atu i le malosi o le Alii o Ieova; ou te ta‘uta‘u i lau amiotonu, na o lau lava.
17Le Atua e, na e a‘oa‘o mai ia te au talu ina ou tama itiiti; ua oo mai foi i nei ona po ua ou faaali atu ou vavega.
18Le Atua e, aua e te tuulafoai mai ia te au e oo ina toeaina ma ulusinā; seia ou faaali atu lou aao i leneiit tupulaga, ma lou malosi i e amuli uma lava.
19Le Atua e, e silisili lava lau amiotonu, o mea ua e faia o mea mamana ia; le Atua e, o ai ea se tusa ma oe?
20O le ua faailoa mai ia te au o puapuaga e tele ma le leaga, e te toe faaola mai ia te au, e te toe avae ia te au nai le mea loloto i le eleele.
21E te faateleina lo‘u mamalu; e te liliu mai ma faamafanafana mai ia te au.
22O a‘u foi, ou te vivii atu ia te oe i le napeli, o lou faamaoni lava, lo‘u Atua e; ou te fai pesega ia te oe i le kitara, o oe le Paia o Isaraelu.
23E alaga fiafia o‘u laugutu pe a a‘u fai pesega ia te oe, atoa foi ma lo‘u agaga ua e faaolaina.
24E ta‘uta‘u atu foi lo‘u laulaufaiva i lau amiotonu i aso uma lava; auā ua faamaina ma ua masiasi i latou o e sailiili ia leaga ai a‘u.
Who We AreWhat We EelieveWhat We Do
2025 by iamachristian.org,Inc All rights reserved.
