I. NOFOAIGA A TUPU, 24 - Samoan Old Version Bible

O LE MATAUPU XXIV.O le tofia o sa Levī i vasega e luafulu ma le fa.

1O vasega nei o le fanauga a Arona. O atalii o Arona; o Natapu, ma Aviu, o Eleasaro, ma Itamaro.

2Ua oti Natapu ma Aviu, a o ola lo la tamā, e leai ni a la fanau; ona fai ai lea o le faiva o faitaulaga e Eleasaro ma Itamaro.

3Ua tofia e Tavita o Satoka nai le fanauga a Eleasaro, ma Aimeleka nai le fanauga a Itamaro, e tusa ma lo laua tofiga i la laua galuega.

4Ua sili le toatele o matai sili na maua i le fanauga a Eleasaro i le fanauga a Itamaro; o latou vasega ia. Ua toasefulu ma le toaono o matai sili o le fanauga a Eleasaro i aiga o latou tamā, a e toavalu o le fanauga a Itamaro i aiga o latou tamā.

5Ua tofia i latou i le vili, o lea vasega ma lea vasega; aua o e na pule i le malumalu, ma e na pule i mea a le Atua, nai le fanauga a Eleasaro ma le fanauga a Itamaro i latou.

6O Semaia le atalii o Natanielu o le tusiupu, o lo sa Levī, na ia tusia i latou i luma o le tupu, ma alii, ma Satoka le faitaulaga, ma Aimeleka le atalii o Aviata, ma matai sili o le au faitaulaga ma sa Levī; ua aumaia aiga o tamā o le tasi mo Eleasaro, ua aumaia foi le tasi mo Itamaro.

7O le vili muamua na faasaga ia Ioaripa, o lona lua ia Ietaia,

8o lona tolu ia Harima, o lona fa ia Seorima,

9o lona lima ia Malekia, o lona ono ia Meamina,

10o lona fitu ia Hakosa, o lona valu ia Avia,

11o lona iva ia Iesua, o lona sefulu ia Sekania,

12o lona sefulu ma le tasi ia Eliasipa, o lona sefulu ma le lua ia Iakima,

13o lona sefulu ma le tolu ia Hupa, o lona sefulu ma le fa ia Iesepeapo,

14o lona sefulu ma le lima ia Pileka, ma lona sefulu ma le ono ia Imere,

15o lona sefulu ma le fitu ia Hesera, o lona sefulu ma le valu ia Hafesesa,

16o lona sefulu ma le iva ia Petakia, o lona lua sefulu ia Esekielu,

17o lona lua sefulu ma le tasi ia Iakinu, o lona lua sefulu ma le lua ia Kamula,

18o lona lua sefulu ma le tolu ia Tilaia, o lona lua sefulu ma le fa ia Maasia.

19O latou tofiga ia i a latou galuega e o atu i le fale o Ieova, e tusa i lo latou masani mai ia Arona lo latou tamā, e pei ona poloaiina o ia e Ieova le Atua o Isaraelu.

20 O i latou nei o e ua totoe o le fanauga a Levi; o le atalii o Amaramo, o Sepuelu; o le atalii o Sepuelu, o Ietaia.

21O Reapea; o atalii foi o Reapea, o le muamua o Isea.

22O lo sa Isarā; o Salome; o le atalii o Salome o Iata.

23O atalii o Heperona, o Ieria le muamua, o Amaria le toalua, o Iaaseelu le toatolu, o Ikamamo le toafa.

24O le atalii o Usialu, o Mika; o le atalii o Mika, o Samira.

25O le uso o Mika, o Isea; o le atalii o Isea, o Sakaria.

26O atalii o Merari, o Maali ma Musi; o le atalii o Iaasia, o Peno.

27O atalii o Merari ia Iaasia, o Peno, ma Soama, ma Sakuro, ma Iperi.

28O Maali, o lona atalii Eleasaro, ua leai ni ona atalii.

29O Kiso; o le atalii o Kiso, o Ieramaelu.

30A o atalii o Musi, o Maali, ma Eteru, ma Ieremota. O le fanauga ia a sa Levī, e tusa ma le aiga o latou tamā.

31Ua latou faia foi le vili, pei o latou uso o le fanauga a Arona i luma o le tupu o Tavita, ma Satoka, ma Aimeleka, ma matai sili o le au faitaulaga ma sa Levī, o matai sili atoa ma o latou uso e iti.