1Aau faauta, e aveeseina i Ierusalema ma Iuta, e le Alii o Ieova o ‘au, o lea lagolago ma lea lagolago; o le lagolago areto uma, atoa ma le lagolago vai uma.
2O le toa ma le tagata tau, o le faamasino, ma le perofeta, ma le taulāitu, atoa ma le toeaina;
3o le ta‘ita‘i o le toalimagafulu, ma le alii mamalu, ma le faipule, ma le tufuga poto, i le ma le ua poto i le taufaaoleole.
4Ou te tuuina atu foi tama e fai mo latou alii sili, e pule foi tama iti ia te i latou.
5E saua foi le nuu, o le tasi i le tasi, o le tagata foi i lē la te tuaoi; e faasiasia le tama itiiti i le toeaina, o le tagata faatauvaa foi i le ua mamalu.
6Ona tago atu ai lea o le tagata i lona uso o le aiga o lona tamā, ma faapea atu, O loo ia te oe ofu, ina fai ia oe mo matou faipule, ia e pule a o fai lenei malaia.
7O lea aso e alaga atu ai o ia, e faapea atu, E le fai a‘u ma fofo, auā e le o i ai i lo‘u fale o mea e ‘ai po o ofu; aua ne‘i faia o a‘u ma faipule o le nuu.
8Auā ua tausuai Ierusalema, ua paū foi Iuta; auā o latou laulaufaiva ma a latou amio, ua oo ia ia Ieova e faaonoono ai i luma o lana afio.
9Ua iloa i latou i le amio a o latou mata, ua latou faaali mai a latou agasala pei o Sotoma, ua latou le natia lava. Oi talofa ia te i latou! auā o i latou lava ua oo ai le leaga ia te i latou.
10Fai atu ia i le ua amiotonu, e manuia o ia; auā o le fua o a latou galuega latou te aai ai.
11Oi talofa i le ua amio leaga! e malaia o ia; auā e tuuina atu ia te ia le taui o ona lima.
12O lo‘u nuu, o e ua saua i ai o tama iti ia, e pule fafine ia te i latou. Lo‘u nuu e, ua faaseseina oe e ou lava ta‘ita‘i, ua latou lepetia le ala e te ui ai.
13Ua tu mai Ieova e fai le finauga, ua tulai foi o ia e faamasino i nuu.
14E afio mai Ieova e faamasino i toeaina o lona nuu, atoa ma o latou alii sili; auā ua outou faaumatia le tovine, o mea na faoa i e matitiva ua i ai ia i ou outou fale.
15Se a le mea ua outou tu‘imomomo ai lo‘u nuu, ma outou olo ai mata o e matitiva? o loo faapea mai ai le Alii o Ieova o a‘u.
16Ua fetalai mai Ieova, ua faamaualuga tama fafine a Siona, ma latou savavali mo latou ua ua falo, ua faamatāitu i latou, ua savavali faateine pe a latou feoai, ma ua fai tauvae i o latou vae.
17O le mea lea e faatulaina ai e le Alii o tumuai o ulu o tama fafine a Siona, e faaalia o latou tino e Ieova.
18O lea aso e aveeseina ai e le Alii o mea e faamatagofie a‘i tauvae, ma teuga faaupega, atoa ma mea e asoa ai;
19o mama i taliga, ma taulima, atoa ma ie ufimata;
20o pulou, ma filifili uamea i vae, ma fusi, ma fagu e sogi ai, atoa ma mea e sao ai;
21o mama i lima, ma mama i isu;
22o ofu matagofie, ma ofu tino e tetele, ma pulupulu, atoa ma taga;
23o tioata, ma ofu lino, ma pulou, atoa ma ie e ufita‘i le tino.
24E i ai foi le papala ua elo e sui a‘i le manogi lelei; e i ai foi le maea e sui a‘i le fusi; o le ulu tula foi e sui a‘i le lauulu ua fili; o le lavalava talatala e sui a‘i le ofu tele; o le faailoga mu e sui a‘i le lalelei.
25E oti ou tagata i le pelu, o ou fitafita foi e oti i latou i le taua.
26E feoi ma faanoanoa ona faitotoa; e nofo foi o ia i le eleele ua faagaogaoina.
Who We AreWhat We EelieveWhat We Do
2025 by iamachristian.org,Inc All rights reserved.
