1Ua tatalo foi Hana, ua faapea, Ua olioli lava lo‘u loto ia Ieova; ua faamaualugaina lo‘u nifo e Ieova; ua ou mautali ai i e ita mai, auā ou te fiafia i le olataga mai ia te oe.
2E leai sē paia e tusa ma Ieova; auā ua leai se tasi ua na o oe; e leai foi se papa e tusa ma lo tatou Atua.
3Soia tou te faatele a outou upu faamaualuga naua, e alu ae ai le faaonoono i o outou gutu; auā o Ieova, o le Atua sisila mai o ia, o ia foi le na te fuatia amio.
4Ua gauia aufana a tagata malolosi; a o e na tautevateva, ua fusi o latou sulugātiti i le malosi.
5O e sa maoona, ua fai ma auauna i latou ia maua ai mea e ‘ai; a o e sa fia aai, ua mapu i latou; o le na pa ua iu ina fanau mai se toafitu; a o ia ua toatele ana fanau, ua vaivai o ia.
6O Ieova na te fasioti, ma faaola; na te faaoo ifo i le tuugamau, ma faafoi ae.
7O Ieova na te faamativaina, ma faatamaoaigaina; o ia na te faamaulaloina, ma faamaualugaina;
8na te faatulaiina le tagatālautele nai le eleele, na te faaeaina foi le tagata mativa nai le faatăfuna, ia nofo faatasi ma alii, ia fai foi mo latou tofi le nofoālii mamalu; auā o loo ia Ieova faavae o le lalolagi, ua na faaee ai le atu laulau.
9E leoleo e ia vae o ona tagata paia, a e faalologo tagata agasala i le pouliuli; auā e le malo le tagata i le malosi.
10O e ua finau ia Ieova e faamomomoina i latou; e faapa mai e ia le faititili mai le lagi i o latou luga; e pule Ieova i tuluiga o le lalolagi; na te foai atu le malosi i lana tupu, e faamaualugaina foi e ia le nifo o le na ia faauuina.
11Ua alu Elekana i Rama i lona fale, a e nofo le tama e auauna ia Ieova i luma o Eli le faitaulaga.
12A o atalii o Eli, o tagata ulavavale i laua, ua la le iloa Ieova.
13O le tu lenei a faitaulaga e fai i le nuu; a avatu e se tasi le taulaga, pe a tunu tufaaga, ona alu atu ai lea o le auauna a le faitaulaga ma le tui mata tolu i lona lima;
14ona tutu‘i atu lea i le tanoa, po o le pani, po le ulo, po o se tasi mea e tunu a‘i mea, o mea uma na avae i le tui ua ave e le faitaulaga mana; ua faapea lava ona fai e i laua ia Isaraelu uma na o ae i Sailo.
15Ua alu le auauna a le faitaulaga, a o lei susunuina e i latou le ga‘o, ma na fai atu i le tagata e ana le taulaga, Au mai ia se tufaaga e tunu mā le faitaulaga; auā na te le talia mai ia te oe se tufaaga ua vale, a o se tufaaga mata lava;
16i le, a fai mai le tagata ia te ia Seia latou luai susunu le ga‘o, ona ave ai lea mā oe le mea e te loto i ai; ona fai atu lea o ia ia te ia, E leai, a ia e au mai nei lava, a leai ou te faoa.
17O lea sa matuā tele ai le agasala a nei taulelea i luma o Ieova, auā na ‘ino‘ino ai tagata i taulaga ia Ieova.
18A o Samuelu, na auauna o ia i luma o Ieova; ua ofu le tama i le efota ie lino.
19Na faia e lona tinā se ofu itiiti mona, na avea ai ia te ia i lea tausaga ma lea tausaga, pe a la o ae ma lana tane e avatu ai le taulaga e fai i tausaga.
20Ua faamanuia foi Eli ia Elekana ma lana avā, ma ua fai atu, Ia foai mai e Ieova ia te oe fanau i lenei fafine e sui a‘i lana na ia tuu mai ia Ieova. Ona la o ai lea i lona nuu.
21O lea na asiasi ai Ieova ia Hana, ua to ia, ona fanau mai lea; o ana tama tane e toatolu ma tama teine e toalua. Ua tupu le tama o Samuelu i luma o Ieova.
22Sa matuā toeaina Eli, ua faalogo foi o ia i mea uma na faia e ona atalii ia Isaraelu uma, ma latou momoe ma fafine e na faapotopoto atu i le faitotoa o le fale fetafai o le faapotopotoga.
23Ua fai atu ia ia te i laua, Se a le mea lua te fai ai nei mea? Auā ou te faalogo i le nuu nei uma lava i a oulua amio leaga;
24o‘u atalii e, soia, auā e le se tala lelei ou te faalogo ai ia te oulua, ina ua oulua faasese i le nuu o Ieova;
25afai e agasala se tasi tagata i le tasi tagata e faamasino le Atua ia te ia; a e afai e agasala se tagata ia Ieova, o ai ea sē fai ma puluvaga ia te ia? A ua la le faalogo i le upu a lo la tamā, auā ua finagalo Ieova e fasioti ia te i laua.
26Ua tupu pea lava le tama o Samuelu, ma ua faapelepeleina e Ieova atoa foi ma tagata.
27Ua alu atu se tasi tagata o le Atua ia Eli, ua fai atu ia te ia, Ua faapea ona fetalai mai o Ieova, Na ou le matuā faaali ea a‘u i le aiga o lou tamā ina o i ai i latou i Aikupito i le aiga o Farao?
28Na ou le filifili ea ia te ia nai itu aiga uma o Isaraelu ia fai ma faitaulaga ia te au, ia alu ae i lo‘u fata faitaulaga, ia susunu i mea manogi, ia ofu i le efota i o‘u luma? Na ou le foai ea i le aiga o lou tamā taulaga uma lava a le fanauga a Isaraelu e fai i le afi?
29Se a le mea e faaleaoga ai e outou le taulaga e fai ia te au ma mea e foai mai, na ou poloai e fai i lo‘u fale; ma ua e faasili i ou atalii ia te au, e faapuputa a‘i outou ia te outou i tufaaga sili i mea foai mai uma lava a Isaraelu lo‘u nuu?
30O le mea lea ua fetalai mai ai Ieova le Atua o Isaraelu, Na ou fai atu lava i lou aiga ma le aiga o lou tamā, latou te feoai i o‘u luma e faavavau; a o lenei, ua fetalai mai Ieova, Ia mamao lea mea ia te au, a o e faasili ia te au, ou te faasili ia te i latou; a o e ‘ino‘ino mai ia te au, e ta‘u faatauvaaina i latou.
31Faauta, o le a oo mai aso ou te gagau ai lou lima ma lima o le aiga o lou tamā, ina ia le toe ai se toeaina i lou aiga.
32E te iloa atu se fili i le malumalu i mea uma e faamanuia ai Isaraelu; o lea e leai se toeaina i lou aiga i aso uma lava.
33O le tagata o lou aiga ou te le vavaeeseina i lo‘u fata faitaulaga, e faatauasoina ai ou mata, ma vaivai ai lou loto; a o le vao tagata uma o lou aiga e oti i latou o taulelea.
34O lenei foi le faailoga ia te oe e oo ai i ou atalii e toalua o Hofeni ma Fineaso, e oti i laua i le aso e tasi.
35Ou te faatuina mo a‘u se faitaulaga faamaoni, na te faia e tusa ma lo‘u loto ma la‘u manatu, ou te ati ae foi se fale tumau mona; e savali o ia i aso uma lava i luma o lē ua au faauuina.
36O e ua totoe uma lava i lou aiga e taitasi ma sau ma faatoga ia te ia i si tupe ario, po o se potoi areto, e fai ane foi, Ou te aioi ia te oe, ia e tofi mai ia te au i sina faiva o faitaulaga, ina ia ou ‘ai ai sina mea e ‘ai.
Who We AreWhat We EelieveWhat We Do
2025 by iamachristian.org,Inc All rights reserved.
