1Ona le toe tali mai ai lea o ia tagata e toatolu ia Iopu, auā ua amiotonu o ia i lona lava manatu.
2Ona tupu ai lea o le ita o Eliu le atalii o Parakelu, o lo sa Pusāo so le aiga o Rama, na tupu lona ita ia Iopu, ina ua ta‘uamiotonuina e ia o ia, a e le o le Atua.
3Ua tupu foi lona ita i ana uo e toatolu, ina ua latou le mautali, a ua latou faasala pea ia Iopu.
4Ua faatalitali Eliu ia Iopu, seia uma atu upu, auā ua toeaina i latou, a e itiiti o ia.
5Ua vaai atu Eliu, ua leai se tali i fofoga o ia tagata e toatolu, ona tupu ai lea o lona ita.
6Ona tali mai ai lea o Eliu le atalii o Parakelu, o lo sa Pusā, ua faapea mai, Ou te itiiti a‘u, a e toeaina lava outou, o le mea lea sa ou mata‘u ai, ma ou fefe e faailoa atu ia te outou la‘u taofi.
7Sa ou faapea, Ia tautala mai aso, ia faailoa mai le poto e le tele o tausaga.
8A e peitai o i ai lava le agaga i totonu o le tagata; o le mānava foi a Le e ona le malosi uma lava e faapopotoina ai i latou.
9E le laupopoto e ua sili; e le lausilafia foi le tonu e toeaina.
10O le mea lea ou te fai atu ai, Faafofoga mai ia ia te au, ou te faaali atu foi e a‘u la‘u taofi.
11Faauta, ua ou faatalitali i a outou fetalaiga; ua ou faalogologo atu i a outou mafaufauga, seia filifili ni a outou fetalaiga.
12Ua ou mafaufau foi i a outou upu; faauta foi, e leai so outou ua na aoai tonu ia Iopu, po ua tali atu i ana upu.
13Ne‘i outou fai ane, Ua maua e i matou le poto; ua faiaina o ia i le Atua lava, a e le o tagata.
14Ua ia le sauni ana upu ia te au, ou te le tali atu foi ia te ia i a outou upu.
15Ua fememeai i latou; ua le toe tali mai; ua latou tuu a latou fetalaiga.
16Ua ou faatalitali foi ina ua latou le tautala; a ua faalologo i latou, ua latou le toe tali mai.
17O a‘u foi ou te tali atu lava a‘u, o a‘u lava; ou te faaali atu la‘u taofi.
18Auā ua tumu a‘u i upu, ua uunai mai ia te au le agaga o i totonu ia te au.
19Faauta, o lo‘u loto ua pei o le uaina e lei tālaina, ua tāli pa e pei o fagu pa‘u fou.
20Ou te tautala atu, ia ou mānava ai, ou te faamaga o‘u laugutu, ma ou tali atu ai.
21Aua lava ne‘i ou faailogaina se tagata; aua foi ne‘i ou faaneenee i se tagata.
22Auā ou te le mafai ona faaneenee atu, ne‘i avea faafuasei a‘u e Le na faia a‘u.
Who We AreWhat We EelieveWhat We Do
2025 by iamachristian.org,Inc All rights reserved.
