1O le tasi tagata na i le mauga o Efaraima, o Mika lona igoa.
2Ua ia fai atu i lona tinā, O tupe e afe ma le selau e tasi, na avea nai ia te oe, sa e fetuu ai, na e fai ane foi a o ou faalogo atu; faauta i tupe, ua ia te au, na ou avea. Ona fai mai lea o lona tinā ia te ia, Ia faamanuia oe la‘u tama e Ieova.
3Na ia toe avatu tupe e afe ma le selau e tasi i lona tinā, Ua fai mai lona tinā, Na ou matuā faasaina ia tupe ia Ieova ai lo‘u lima mo la‘u tama, e fai a‘i se tupua ua ta, ma se tupua ario; o lenei, avatu pea ia ia te oe.
4A ua na toe avatu tupe i lona tinā; ona ave lea e lona tinā o tupe e lua selau i le tufuga fai mea uamea, ua ia fai a‘i le tupua ua ta ma le tupua ario, sa i ai i le fale o Mika.
5Sa i le tagata o Mika se fale o le Atua, na ia faia le efota ma tupua, ua ia tofia foi le tasi o ona atalii ua fai ma faitaulaga ia te ia.
6O ona po ia sa leai se tupu ia Isaraelu, sa taitasi ma fai le mea ua tonu i lona lava manatu.
7O le taulealea foi mai Peteleema o Iuta mai le itu aiga o Iuta, a o le sa Levī o ia, ua āumau o ia i lea mea.
8Ua alu o ia nai le aai o Peteleema o Iuta e soona āumau i se mea e maua; ona oo atu lea o lana malaga i le mauga o Efaraima i le fale o Mika.
9Ua fesili atu Mika ia te ia, Na ifea oe? Ua tali mai o ia ia te ia, O a‘u le sa Levī, mai Peteleema o Iuta; ou te alu e soona āumau i se mea ou te maua.
10Ona fai atu lea o Mika ia te ia, Ta te nonofo ma a‘u, ia fai oe mo‘u tamā ma‘u faitaulaga; a o a‘u, ou te avatu ia te oe tupe e sefulu i lea tausaga ma lea tausaga, ma ou ofu, ma au mea e ‘ai. Ona alu ane ai lea o le sa Levī.
11Ua loto le sa Levī ona la nonofo ma le tagata, sa i ai le taulealea ia te ia e pei o sona lava atalii.
12Ona tofia lea e Mika o le sa Levī, na fai foi le taulealea ma faitaulaga ia te ia, sa i ai o ia i le aiga o Mika.
13Ona fai ane lea o Mika, O lenei, ua ou iloa e agalelei mai Ieova ia te au, auā ua ia te au le sa Levī e fai ma ositaulaga.
Who We AreWhat We EelieveWhat We Do
2025 by iamachristian.org,Inc All rights reserved.
