1Amuia le tagata ua manatua le ua mativa; e faasaoina o ia e Ieova i le aso vale.
2E tausia o ia e Ieova ma faaolaina; e manuia foi o ia i le nuu; e te le tuua foi o ia i le manao o e ita ia te ia.
3E lagolago ane Ieova ia te ia i le taotoga o lona ma‘i; e te liua lona moega uma lava i lona ma‘i.
4Na ou fai atu, Ieova e, ia e alofa mai ia te au; ia e faamalolo i lo‘u agaga; auā ua ou agasala atu ia te oe.
5O e ita mai ia te au, ua latou tautala i se mea e leaga ai au, ua faapea ane, Po o afea e oti ai o ia, ma galo ai lona igoa?
6Afai foi e sau o ia e asiasi mai ia te au, ua tautala i le pepelo, ua faaputuina e lona loto o mea leaga mo ia; ona alu ai lea o ia i fafo ua tautala a‘i.
7Ua musumusu faatasi o i latou uma o e ‘ino‘ino mai ia te au i se mea e oo ia te au; ma latou manatunatu i se mea e leaga ai a‘u.
8Ua faapea i latou, Ua oo lava le mea matuā leaga ia te ia; ua taoto ia, e le toe tu i luga.
9O le tagata foi o la‘u uo, o le na ou faatuatua i ai, na ‘ai la‘u areto, ua aa mai o ia ia te au i lona mulivae.
10A o oe, Ieova e, ia e alofa mai ia te au, ma faatu ia te au, ina ia a‘u taui atu ia te i latou.
11O le mea lea ua ou iloa ai e te finagalo mălie mai ia te au, ina ua le mitamita mai ia te au o lē ita mai ia te au.
12A o a‘u nei, e te taofia a‘u i luga i la‘u amio sao; e te faatuina foi a‘u i ou luma e faavavau.
13Ia faafetaia Ieova, le Atua o Isaraelu, mai le vavau e oo lava i le faavavau. Amene ma Amene.
Who We AreWhat We EelieveWhat We Do
2025 by iamachristian.org,Inc All rights reserved.
