1E! le fia masae o le lagi ia te oe, ma ia e afio ifo, ina ia tafe ifo mauga i ou luma.
2E pei o le afi e faamu a‘i laau iti, o le afi e pupuna a‘i le vai, e faailoa atu lou suafa i e ita ia te oe; e gatete nuu ese i ou luma.
3Na e faia mea matautia sa le manatua e i matou; na e afio ifo, sa tafe ifo mauga i ou luma.
4Talu mai le vavau e lei faalogo, e lei lagona e taliga, e lei vaaia e mata se tasi atua ua na o oe, na te faia mea lelei mo le ua faamoemoe ia te ia.
5Lua te fetaiai ma le ua olioli ma le ua faia le amiotonu; o e manatua oe i ou ala; faauta, ua e toasa, auā ua agasala i matou; o i ai le faavavau, e faaolaina foi i matou.
6O i matou nei e tusa ma le mea leaga i matou uma; o a matou amiotonu uma e tusa ia ma le ie o le ma‘i; ua mamae i matou uma e pei o le lau laau, o a matou amioletonu e pei se matagi ua lelea ai i matou.
7Ua leai foi sē valaau i lou suafa, ua leai sē ala mai e taofi atu ia te oe; auā ua ‘alo ou fofoga ia te i matou, ua e liua faasuavai i matou ona o a matou amio leaga.
8A o lenei, Ieova e, o oe lava lo matou Tamā; o i matou nei o le omea, a o oe le Tufuga; o le galuega a ou aao i matou uma.
9Ieova e, aua ne‘i faasilisili lou toasa, aua foi ne‘i manatua a matou amio leaga e oo i le faavavau; faauta, se‘i e sisila mai, o lou nuu i matou uma.
10O ou aai paia o le vao tuufua lea; o Siona o le vao tuufua lea; o Ierusalema o le mea faatafunaina lea.
11O lo matou fale paia ma le matagofie sa vivii ai o matou tamā ia te oe, ua mu lea i le afi; o a matou mea faafiafia uma ua faatafunaina ia.
12Ieova e, e te taofi ea lou toasa i ia mea? e te le fetalai ea? e te matuā faatiga tele mai ea ia te i matou.
Who We AreWhat We EelieveWhat We Do
2025 by iamachristian.org,Inc All rights reserved.
