1Ona ou toe manatunatu lea i sauaga uma ua faia i lalo o le la; faauta foi i loimata o e ua sauaina, ua leai foi se na te faamafanafanaina i latou; ua lima malosi foi e na saua ia te i latou; a ua leai se na te faamafanafanaina i latou.
2Ona ou faamanuia ai lea i e ua oti, e ua oti anamua, e sili i e ola, o i latou o e ola mai nei.
3A e sili ona manuia ia te i laua o le ua le fanau mai, o le ua le iloa le galuega leaga ua faia i lalo o le la.
4Ona ou manatunatu lea i galuega tiga uma, ma galuega manuia uma; a ua matauaina le manuia uma; a ua matauaina le tagata ona o lea mea e lē la te tuaoi. O le mea faatauvaa foi lea, ma le ‘ai i le matagi.
5E piilima le vale, e ‘ai foi e ia lona tino.
6E sili ona lelei o se luutaga e tasi ma le filemu, i luutaga e lua ma le tiga, ma le ‘ai i le matagi.
7Ona ou toe manatunatu lea i mea faatauvaa i lalo o le la.
8O loo i ai le tasi tagata ua leai sē la te toalua; e leai foi sona ataliii, po o se uso; a ua leai se iuga i lana galuega uma, e le mălie foi ona mata i vaai i le oloa; a e le faapea o ia, Ou te galue ea mo ai, ma ou faamativa ai ia te au i mea lelei? O le mea faatauvaa foi lea, o le mea leaga lava.
9E sili ona lelei o le toalua i le toatasi; auā ua ia te i laua le taui lelei i la la galuega.
10Auā afai e paū le tasi e faatuina o ia i luga e lē la te toalua; oi talofa foi i le ua toatasi pe a paū, auā e leai sē la te toalua e faatu ia te ia i luga.
11Afai foi e taooto faatasi le toalua, e mafanafana ai i laua; a e faapefea ona mafanafana o le ua toatasi?
12Afai foi e faamanumalo mai se tasi i so laua, e teteeina atu o ia e le toalua; o le maea foi e sāutuatolu e le vave motusia.
13E sili ona lelei o le tama e mativa a e poto, i le tupu e toeaina a e valea, ma le le toe fia a‘oa‘oina.
14Auā e sau o ia nai le fale puipui e fai ma tupu; auā foi o le ua fanau mai i lona malo e mativa ia.
15Na ou iloa o e ola uma lava, o e savavali i lalo o le la, e faatasi ma le tama a aupito ane, o le a fai mona sui.
16E le masino le vao tagata uma, o i latou uma na fai o ia mo latou ta‘ita‘i; o e mulimuli mai foi latou te le fiafia ia te ia. O le mea faatauvaa foi lea, ma le ‘ai i le matagi.
Who We AreWhat We EelieveWhat We Do
2025 by iamachristian.org,Inc All rights reserved.
