NEEMIA, 7 - Samoan Old Version Bible

O LE MATAUPU VII.Ua tofia Hanani ma Hanania e pule. O tagata na o ae mai Papelonia.

1Ua uma ona ati o le pa, ua faatuina foi puipui, ua tofia foi leoleo faitotoa, ma e pepese, ma sa Levī,

2ona ou tuuina atu lea ia Hanani lo‘u uso, ma Hanania le alii e pule i le ‘olo, e pule i Ierusalema; auā o le tagata faamaoni ia, ua sili foi lona mata‘u i le Atua i lo le toatele.

3Ua ou fai atu foi ia te i laua, Aua ne‘i tatalaina faitotoa o Ierusalema seia vevela le la; ia latou puipui foi i faitotoa ma faamau ai o la o tutū ai, ma ia tofia leoleo o e nonofo i Ierusalema, taitoatasi i lona leoleoga, taitoatasi foi i lona lumāfale.

4Ua valavala foi le aai ma le lautele; a ua toaitiiti tagata e i ai, e lei faia foi fale.

5Na tuuina mai e lo‘u Atua i lo‘u loto e faapotopoto i alii, ma faipule, ma le nuu, ina ia tusigafaina i latou e tusa ma o latou tupuga. Na ou maua foi le tusi o gafa o e na o ae i le amataga, ona ou iloa lea o loo tusia i ai, ua faapea,

6O i latou nei o tagata o le itu malo na o ae ai le tafeaga, o le tafeaga lea na avea e Nepukanesa le tupu o Papelonia, na latou toe foi mai foi i Ierusalema ma Iuta, taitasi i lona aai;

7o e na o mai ma Serupapelu; o Iosua, o Neemia, o Aseraia, o Raamia, o Naamani, o Moretekai, o Pilesana, o Mesepara, o Pikevai, o Nekuma, o Paana. O le faitau aofai o tagata o le nuu o Isaraelu;

8o le fanauga a Parose, e lua afe e toaselau e toafitugafulu, ma le toalua.

9O le fanauga a Sefatia, e tolu selau e toafitugafulu ma le toalua.

10O le fanauga a Araka, e ono selau e toalimagafulu ma le toalua.

11O le fanauga a Pakamoapi, o le fanauga ia a Iosua ma Ioapo, e lua afe e valu selau ma le toasefulu ma le toavalu.

12O le fanauga a Elama, e tasi le afe e lua selau ma le toalimagafulu ma le toafa.

13O le fanauga a Satu, e valu selau e toafagafulu ma le toalima.

14O le fanauga a Sakai, e fitu selau ma le toaonogafulu.

15O le fanauga a Penui, e ono selau e toafagafulu ma le toavalu.

16O le fanauga a Pepai, e ono selau e toaluafulu ma le toavalu.

17O le fanauga a Asekata, e lua afe e tolu selau e toaluafulu ma le toalua.

18O le fanauga a Atonikama, e ono selau e toaonogafulu ma le toafitu.

19O le fanauga a Pikevai, e lua afe e toaonogafulu ma le toafitu.

20O le fanauga a Atini, e ono selau e toalimagafulu ma le toalima.

21O le fanauga a Atere, mai ia Esekia, e toaivagafulu ma le toavalu.

22O le fanauga a Hasumu, e tolu selau e toaluafulu ma le toavalu.

23O le fanauga a Pesai, e tolu selau e toaluafulu ma le toafa.

24O le fanauga a Haripa, e tasi le selau e toasefulu ma le toalua.

25O tagata o Kipeona, e toaivagafulu ma le toalima.

26O tagata o Peteleema ma Netopa, e tasi le selau e toavalugafulu ma le toavalu.

27O tagata o Anatota, e tasi le selau e toaluafulu ma le toavalu.

28O tagata o Peteasemau, e toafagafulu ma le toalua.

29O tagata o Kiriata-iarima, o Kafira, ma Perota, e fitu selau e toafagafulu ma le toatolu.

30O tagata o Rama ma Kipea, e ono selau e toaluafulu ma le toatasi.

31O tagata o Mekemase, e tasi le selau ma le toaluafulu ma le toalua.

32O tagata o Peteli ma Ai, e tasi le selau e toaluafulu ma le toatolu.

33O tagata o le tasi Nepo, e toalimagafulu ma le toalua.

34O le fanauga a le tasi Elama, e tasi le afe e lua selau e toalimagafulu na le toafa.

35O le fanauga a Harima, e tolu selau ma le toaluafulu.

36O tagata o Ieriko, e tolu selau e fagafulu ma le toalima.

37O tagata o Loto, o Hatito, ma Ono, e fitu selau e toaluafulu ma le toatasi.

38O tagata o Senaa, e tolu afe e iva selau ma le toatolugafulu.

39O le au faitaulaga; o le fanauga a Ietaia o le aiga o Iosua, e iva selau e toafitugafulu ma le toatolu.

40O le fanauga a Imere, e tasi le afe e toalimagafulu ma le toalua.

41O le fanauga a Pasura, e tasi le afe e lua selau e fagafulu ma le toafitu.

42O le fanauga a Harima, e tasi le afe e toasefulu ma le toafitu.

43O sa Levī; o le fanauga a Iosua, ma Katameeli, o le fanauga ia a Hotavia, e toafitugafulu ma le toafa.

44O e pepese; o le fanauga a Asafo, e tasi le selau e fagafulu ma le toavalu.

45O leoleo faitotoa; o le fanauga a Saluma, o le fanauga a Atere, o le fanauga a Talemoni, o le fanauga a Akupa, o le fanauga a Hatita, o le fanauga a Sopai, e tasi le selau e toatolugafulu ma le toavalu.

46O le au netini; o le fanauga a Seka, o le fanauga a Hasufi, o le fanauga a Tapaota,

47o le fanauga a Kirosa, o le fanauga a Seaa, o le fanauga a Patono,

48o le fanauga a Lepana, o le fanauga a Hakepa, o le fanauga a Salemai,

49o le fanauga a Hanana, o le fanauga a Kitele, o le fanauga a Gakara,

50o le fanauga a Reaia, o le fanauga a Resina, o le fanauga a Nekota,

51o le fanauga a Gasama, o le fanauga a Usa, o le fanauga a Pasea,

52o le fanauga a Pesai, o le fanauga a Meunima, o le fanauga a Nefasemo,

53o le fanauga a Pakepuka, o le fanauga a Hakupa, o le fanauga a Harekuru,

54o le fanauga a Paselita, o le fanauga a Mekita, o le fanauga a Haresa,

55o le fanauga a Parekusa, o le fanauga a Sesera, o le fanauga a Timaka,

56o le fanauga a Neseka, o le fanauga a Hatifa.

57O le fanauga a auauna a Solomona; o le fanauga a Sotai, o le fanauga a Soferete, o le fanauga a Feruta,

58o le fanauga a Iaala, o le fanauga a Tarekono, o le fanauga a Kitele,

59o le fanauga a Sefatia, o le fanauga a Hatili, o le fanauga a Pokerete o le Sepaima, o le fanauga a Amoni.

60O le au netini uma, ma le fanauga a auauna a Solomona, e tolu selau e toaivagafulu ma le toalua.

61O i latou nei na o ae ai Telemelaka, ma Tele-aresa, ma Kirova, ma Atana, ma Imere; a ua latou le mafaia ona faailoa mai le aiga o latou tamā, ma lo latou tupuga, pe ni Isaraelu i latou.

62O le fanauga a Talaia, o le fanauga a Tovia, o le fanauga a Nekota, e ono selau e toafagafulu ma le toalua.

63O le au faitaulaga foi; o le fanauga a Hapaia, o le fanauga a Kosa, o le fanauga a Pasili, o le na fai avā i le tasi afafine o Pasili le Kiliata, sa igoa foi o ia i lo latou igoa.

64O i latou ia na sailiili i o latou tusi gafa na tusia ai o latou gafa, a e lei maua, sa ta‘ua ai i latou ua leaga, ua te‘a ai ma le faiva o faitaulaga.

65Ua fai atu foi ia te i latou le alii e pule, aua ne‘i latou aai i mea e sili ona paia, seia tu mai se faitaulaga ma le Urima ma le Tumema.

66O le aofai o le faapotopotoga uma, e fagafulu o afe ma afe e lua ma le tolu selau ma le toaonogafulu;

67a o a latou auauna tane ma a latou auauna fafine, e fitu afe e tolu selau e toatolugafulu ma le toafitu o i latou; sa ia te i latou foi o tane pepese ma fafine pepese, e lua selau ma le toafagafulu ma le toalima.

68O a latou solofanua, e fitu selau e tolugafulu ma le ono; o a latou falata, e lua selau e fagafulu ma le lima;

69o kamela, e fa selau ma le tolugafulu ma le lima; o asini e ono afe e fitu selau ma le luafulu.

70O isi foi o matai sili, ua latou foaiina atu i le galuega. Ua foaiina atu i le oloa e le alii e pule o tareki o auro e tasi le afe, o ipu e limagafulu, o ofu tino o faitaulaga e lima selau ma le tolugafulu.

71O isi foi o matai sili, ua latou foaiina atu i le oloa mo le galuega, o tareki o auro e luafulu o afe, ma mina o ario e lua afe ma le lua o selau.

72O mea foi na foaiina atu e i latou ua totoe o le nuu, o tareki o auro e luafulu o afe, ma mina o ario e lua afe, ma ofu tino o faitaulaga e onogafulu ma le fitu.

73Sa nonofo foi i a latou aai o faitaulaga, ma sa Levī, ma leoleo faitotoa, ma e pepese, o isi foi o le nuu, ma le au netini, ma Isaraelu uma; ua oo foi i le fitu o masina ua i a latou aai le fanauga a Isaraelu.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help