1Ua le lilo tausaga i Le e ona le malosi uma lava, o lenei, se a le mea ua le iloa ai ona aso e i latou ua masani ma ia?
2Ua sii tuaoi e nisi; ua latou faoa le lafu mamoe, ma latou fafaga ai.
3Ua latou avea le asini a e ua aumatuā, ua latou ave le povi a le fafine ua oti lana tane e fai ma mea tuu faafaatau.
4Ua latou tuleia e ua matitiva nai le ala; ua lalafi faatasi ai o e ua puapuagatia i le nuu.
5Faauta, e pei o asini o le vao i le vao, latou te o atu ai i a latou galuega, e ala saili i se mea e fao; o le vao latou te maua mai ai mea e ‘ai ma a latou fanau.
6Ua latou selesele mea e faga a‘i a latou manu i le fanua ese; ua latou tau le fua o le tovine ua maua i le amio leaga.
7Ua aoina o latou o faasautia o e matitiva, e leai foi so latou ie afu i le maalili.
8Ua sūsū i latou i le timuga i mauga, ua pipii foi i le papa ina ua leai se mea e malu ai.
9Ua latou faoa i le susu o lona tinā le tama ua oti lona tamā; ua latou talia foi le mea tuu faafaatau i le ua mativa.
10O i latou ua fealuai ai le ua mativa ma le le lavalavā; ua fia aai foi i latou o e tautuu a latou fusi saito.
11Ua latou tatau le suāuu i o latou fale, ua latou solisoli i o latou soligāvine, a ua latou fia inu.
12O loo feoi tagata i le aai, o loo alalaga foi e ua manunua; a e lei ta‘usalaina i latou e le Atua.
13E i ai latou nei faatasi ma i latou e foua le malamalama; latou te le iloa ona ala, latou te le tumau foi i ona magāala.
14Ua tulai i le vave ao le fasi tagata, ua ia fasioti i le ua puapuagatia ma le ua mativa; ua pei o se gaoi foi o ia i le po.
15Ua faatalitali foi le tagata mulilua i le segisegi, o loo faapea ifo, E le iloa a‘u e se tasi; ua ia ufiufi foi ona mata.
16Latou te elia pa o fale i le po, ua puipuia i latou e i latou i le ao; ua latou le iloa le malamalama.
17Auā ua tusa ia te i latou le taeao ma le ata o le oti, ina ua latou iloa mea matautia o le ata o le oti.
18E tusa ia ma se mea māmā i luga o le vai; ua faafanoina o latou tofi i le lalolagi; ua le faasaga o ia i le ala i tovine.
19Ua faaumatia vai kiona i le la ma le vevela, e faaumatia foi o e agasala i le tuugamau.
20E faagalogaloina o ia e le manava o lona tinā; e suamalie o ia i ilo, e le toe manatua o ia; e gauia foi le ua amioletonu e pei o le laau.
21E agaleaga o ia i le fafine pa ua le fanau; ua ia le agalelei foi i le fafine ua oti lana tane.
22E tosina foi e ia e ua malolosi i lona malosi; a tulai o ia, ona le faatuatua ai lea se tasi i lona ola.
23E tuuina e le Atua ia te ia ia saogalemu, ua ia faalagolago foi i ai; e silasila foi o ia i o latou ala.
24E faamaualulugaina i latou i nai aso, ona leai lea o i latou; ua faaumatia foi i latou, ua faapotopotoina e pei o tagata uma; e salaina foi i latou e pei o le tumutumu o le ‘au saito.
25Afai e le faapea, o ai se na te faailoa mai lo‘u pepelo, ma faaleaogaina la‘u upu?
Who We AreWhat We EelieveWhat We Do
2025 by iamachristian.org,Inc All rights reserved.
