II. NOFOAIGA A TUPU, 8 - Samoan Old Version Bible

O LE MATAUPU VIII.O aai na faia e Solomona; ma lona tofia o vasega o faitaulaga.

1Ua mavae tausaga e luafulu na fai ai e Solomona le fale o Ieova ma lona lava fale.

2O aai foi na tuuina mai e Hiramo ia Solomona ua toe faia e Solomona, ma na faanonofo ai le fanauga a Isaraelu.

3Ua alu atu foi Solomona i Amato-sopa, ma ua manumalo ai.

4Ua fai foi e ia o Tatemora i le vao, ma aai uma e tuu ai oloa na ia faia i Amato.

5Ua faia foi e ia o Peteorana i luga, ma Peteorana i lalo, o aai nofo ‘olo, ua i ai pa, ma puipui, ma faamaufaalava;

6o Paalata foi, ma aai uma sa ia Solomona e tuu ai oloa, ma aai uma mo kariota, ma aai mo e tietie i solofanua, ma mea uma na finagalo i ai Solomona e fai i Ierusalema, ma Lepanona, ma nuu uma ua pule ai o ia.

7O tagata uma na totoe o sa Hetī, ma sa Amorī, ma sa Perisē, ma sa Hivī, ma sa Iepusē, e le ni Isaraelu i latou,

8o a latou fanau na totoe i le nuu, ina ua mavae i latou, o e na le faaumatia e le fanauga a Isaraelu, na pule Solomona ia te i latou ia fai taulaga, ua oo lava i ona po nei.

9A ua le faia e Solomona ni o le fanauga a Isaraelu ma pologa e fai ai lana galuega; a o tagata tau i latou, ma alii ave ‘au, ma alii e pule i ana kariota, ma ana ‘au e tietie i solofanua.

10O alii ia e na tofia e le tupu o Solomona e pule, e lua selau ma le toalimagafulu, o i latou na pule i le nuu.

11Ua avae e Solomona le afafine o Farao mai le aai a Tavita i le fale na ia faia mo ia; auā ua faapea mai o ia, E le nofo la‘u avā i le fale o Tavita le tupu o Isaraelu, auā e paia le mea ua au mai i ai le atolaau a Ieova.

12Ona fai lea e Solomona o taulaga mu ia Ieova i luga o le fata faitaulaga o Ieova na faia e ia i luma o le faapaologa,

13o le aso ma le mea e fai taulaga a‘i e tusa ma le poloaiga a Mose, e fai i sapati, ma masina faatoa vaaia, ma faapotopotoga e taiatutolu i tausaga, o le tausamiga o le areto e le faafefeteina, ma le tausamiga o vaiasosa, ma le tausamiga o fale apitaga.

14Ua tofia foi e ia e tusa ma le tofiga a Tavita lona tamā, o vasega o le au faitaulaga i a latou galuega, ma sa Levī i o latou tofi, e vivii ma auauna i luma o le au faitaulaga, o le aso ma le mea e fai ai; o leoleo faitotoa foi i o latou vasega i lea faitotoa ma lea faitotoa; auā sa faapea le poloaiga a Tavita le tagata o le Atua.

15Ua le tuua le fetalaiga a le tupu i le au faitaulaga, ma sa Levī, i mea uma lava, atoa ma le oloa.

16O galuega uma a Solomona sa saunia, ua oo i le aso na tuu ai le faavae o le fale o Ieova e oo foi i le aso na uma ai. Ua faaumaina ona fai o le fale o Ieova.

17Ona alu atu lea o Solomona i Esiokape ma Elata i le matafaga o le sami i le nuu o Etoma.

18Ua aumaia e Hiramo ia te ia i lima o ana auauna o vaa, ma ona tagata ua masani ma le sami; ua latou o faatasi ma auauna a Solomona i Ofeira, ma latou au mai ai o auro e fa selau ma le limagafulu o taleni, ma latou aumaia i le tupu o Solomona.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help