1Ieova e, lo‘u papa, ou te valaau atu ia te oe; aua ne‘i ē le tali mai ia te au; ina ne‘i ē le tali mai ia te au, ona tusa lea o a‘u ma e a o ifo i le lua.
2Ia e faafofoga mai i le leo o la‘u aioi atu, pe a ou alaga atu ia te oe, pe a ou sisii atu o‘u lima i le mea paia e fetalai mai ai.
3Aua ne‘i e tosina a‘u faatasi ma tagata amio leaga, ma e ua fai mea leaga; o e tautala faafifilemu i e latou te tuaoi, a e peitai o i o latou loto le leaga.
4Ia e avatu ia te i latou e tusa ma a latou amioga, e tusa foi ma le leaga o mea ua latou faia; ia e avatu ia te i latou e tusa ma le galuega a o latou lima; ia e taui atu ia i latou i mea ua latou faia.
5Auā latou te le mafaufau i mea ua faia e Ieova, ma galuega a ona aao; na te lepetia ai i latou, a e le ati ae ia te i latou.
6Ia faafetaia lava Ieova, auā ua na faafofoga i le leo o a‘u tatalo.
7O Ieova, o lo‘u malosi ma lo‘u talita o ia; na faatuatua lo‘u loto ia te ia, ona ou maua ai lea o le fesoasoani; o lea e fiafia ai lo‘u loto, ma ou vivii atu ia te ia i la‘u pese.
8O Ieova, o lo latou malosi ia, o ia foi o le malosi e ola ai le na ia faauuina.
9Ia e faaola i lou nuu, ma faamanuia lou tofi; ia e fafaga ia te i latou, ma ia e faaeaina i latou e oo i le faavavau.
Who We AreWhat We EelieveWhat We Do
2025 by iamachristian.org,Inc All rights reserved.
