1Ua toe faia foi e Aperaamo le avā, o Kitura lona igoa.
2Ua fanau foi o ia ia te ia o Semerana, ma Iokasana, ma Metana, ma Mitiana, ma Isepaka, ma Sua.
3Ua fanaua foi e Iokasana o Seepa, ma Titana. O atalii foi o Titana o Asurimo ia, ma Letusimo, ma Leumemo.
4O atalii foi o Mitiana, o Efa, ma Efara, ma Enoka, ma Apita, ma Eletaa. O i latou uma ia o le fanau a Kitura.
5Ua foaiina atu e Aperaamo ana mea uma lava ia Isaako.
6A o tama a palake sa nonofo ia Aperaamo, na foaiina atu ai e Aperaamo o mea alofa, ma aauina atu ia te i latou, ina o ola o ia, i sasae, i le nuu sasae, ia te‘a eseese ai ma lona atalii o Isaako.
7O tausaga foi nei o le olaga o Aperaamo, sa ola ai o ia, e selau ma le fitugafulu ma le lima, o ona tausaga ia.
8Ua to foi le mānava a Aperaamo, ua oti o ia o matuā toeaina; o le tagata ua matua lava, ua tuu tulu‘i lona ola; ua faatasiina atu foi o ia i lona nuu.
9O ona atalii foi o Isaako ma Isamaeli na la tanu ia te ia i le ana o Makapelu, i le fanua o Eferona le atalii o Soaro, o lo sa Hetī, i luma o Mamere;
10o le fanua sa faatauina e Aperaamo i le fanauga a Heti. Na tanu i lea mea o Aperaamo, ma lana avā o Sara.
11Ua mavae le oti o Aperaamo, ona faamanuia mai lea e le Atua lona atalii o Isaako; sa mau foi Isaako e lata ane i Pere-laaroi.
12O le gafa foi lenei o Isamaeli le atalii o Aperaamo sa fanau mai e Akara le Aikupito, o le auauna fafine a Sara, ia Aperaamo.
13O igoa foi nei o atalii o Isamaeli, o latou igoa, e tusa ma o latou auga tagata; o le ulumatua a Isamaeli, o Nepaiota ia; ma Kitara, ma Atepeelu,
14ma Mepesama, ma Mesema, ma Tuma, ma Mase,
15o Hatata, ma Tema, o Ietura, o Nafiso, ma Katema.
16O atalii ia o Isamaeli, o latou igoa foi ia, e taitasi ma lana aai, e taitasi foi ma lona ‘olo; o alii ia te toasefulu ma le toalua i o latou nuu.
17O tausaga foi nei o le olaga o Isamaeli, e selau ma le tolugafulu ma le fitu, o ona tausaga ia; ua to foi lana mānava ua oti o ia; ua faatasiina atu foi o ia i lona nuu.
18Sa mau foi i latou e gata mai i Havila e oo i Sura, e feagai ma Aikupito, i le ala e ui atu ai i Asuria. Sa mau o ia i luma o ona uso uma.
19O le gafa foi lenei o Isaako, le atalii o Aperaamo; na fanaua e Aperaamo o Isaako.
20Sa fagafulu o tausaga o Isaako ina o fai mana avā o Repeka le afafine o Petueli, o le Suria, mai Patanarama, o le tuafafine foi o ia o Lapana le Suria.
21Ua faatoga atu Isaako ia Ieova mo lana avā, auā ua pa o ia; ua faafofoga foi Ieova ia te ia, ona to ai lea o lana avā o Repeka.
22Ua feuuai foi tama i totonu ia te ia; ona faapea lea o ia, Afai e faapea, se a le mea ua ou faapea ai? Ua alu foi o ia e fesili atu ia Ieova.
23Ua tali mai foi Ieova ia te ia, E lua nuu o loo i totonu ia te oe, e lua lava nuu e fanau mai ia te oe; e sili ona malosi o le tasi nuu i le isi nuu; e nofo pologa foi le ulumatua i le uii.
24Ua oo i le aso e fanau ai o ia, faauta, o le masaga ua i totonu ia te ia.
25O le na muai fanau mai ua enaena mūmū ua pei se ofu fulufulu ua liloia ai o ia; ua latou faaigoa ai ia te ia o Esau.
26Mulimuli ane ua fanau mai ai lona uso, ua ‘u‘u atu foi lona lima i le mulivae o Esau; ua faaigoa foi ia te ia o Iakopo; o le onogafulu o tausaga o Isaako na fanau ai i laua.
27Ua tutupu nei tama; o Esau foi o le tagata ia ua poto i tuli manu, o le tagata a vao, a o Iakopo o le tagata agamalu o ia, ua mau i fale ie.
28Na alofa Isaako ia Esau, auā ua ia ‘ai i ana manu; a o Repeka, na alofa o ia ia Iakopo
29Na tunu foi e Iakopo o mea e ‘ai; ua sau foi Esau nai le vao, ua lailoa foi o ia;
30Ona faapea atu lea o Esau ia Iakopo, Se‘i au mai sina una mea mūmū so‘u aina ae, auā ua ou vaivai. O le mea lea ua faaigoa ai o ia o Etoma.
31Ona tali mai lea o Ia opo, Faatau mai ia ia te au o lou tofi o le ulumatua i le aso nei.
32Ona faapea atu lea o Esau, Faauta, o le a ou oti; pe se a le aoga o lenei tofi o le ulumatua ia te au?
33Ona tali mai lea o Iakopo, Ina e tauto mai ia te au i le aso nei; ona tauto atu ai lea o ia ia te ia; ua ia faatau atu foi lona tofi o le ulumatua ia Iakopo.
34Ona avatua lea e Iakopo o areto ma atasema tunu ia Esau; ona ‘ai lea o ia ma inu, ona tulai lea o ia, ma alu; o lea na faaleaogaina ai e Esau le tofi o le ulumatua.
Who We AreWhat We EelieveWhat We Do
2025 by iamachristian.org,Inc All rights reserved.
