1O mai ia, ia tatou alalaga fiafia ia Ieova; ia tatou alalaga i le papa o lo tatou olataga.
2Ia tatou o atu i ona luma ma le viiga; ia tatou alalaga ia te ia i pese.
3Auā o Ieova o le Atua sili lea, o le Tupu tele lava o ia e sili i atua uma lava.
4O loo i lona aao o mea loloto o i le lalolagi; e ona foi mauga maualuluga.
5E ona le sami, na faia lava e ia; na faia foi le laueleele i ona aao.
6O mai ia, ia tatou ifo, ma ia tatou punonou; ia tatou tootuli i luma o Ieova o le na faia i tatou.
7Auā o lo tatou Atua lava ia; o i tatou foi o le nuu ua fagaina e ia, ma le lafu mamoe o i lona aao. O le aso nei afai tou te faalogo ai i lona siufofoga,
8aua ne‘i faamaaa o outou loto e pei ona faia i Meripa, e pei ona faia i le aso na i Mase i le vao;
9na faaosooso mai ai ia te au o outou tamā, na latou tofotofoina a‘u, a o latou iloa atu la‘u galuega.
10E fagafulu tausaga na ou ‘ino‘ino ai i lea tupulaga, ma a‘u fai ane, O le nuu lenei e sese i o latou lava loto, e lei iloa foi e i latou o‘u ala;
11na ou tauto ai i lo‘u ita, Latou te le sao atu lava i lo‘u malologa.
Who We AreWhat We EelieveWhat We Do
2025 by iamachristian.org,Inc All rights reserved.
