1O Atalii o Isakara; o Tulaga, ma Pua, o Iasuvi, ma Semarona, e toafa.
2O atalii o Tulaga; o Usi, ma Refaia, ma Ierielu, ma Iakimai, ma Ipesami, ma Samuelu, o matai sili ia o aiga o latou tama, o lo sa Tulagā; o tagata fitafita lava i o latou tupulaga; o le faitau o latou i ona po o Tavita e lua sefulu o afe ma afe e lua ma le toaono o selau.
3O le fanau a Usi, o Isaraia; o atalii foi o Isaraia; o Mekaeli, ma Opetaia, ma Ioelu, ma Isea, e toalima; o matai sili uma i latou.
4Sa ia te i latou foi i o latou tupulaga, i le aiga o latou tamā, o ‘au e tau ai taua, e tolu sefulu o afe ma afe e ono; aua e toatele a latou avā ma fanau.
5O latou uso foi i aiga uma o Isakara o tagata fitafita lava i latou. E valu sefulu o afe ma afe e fitu i latou ina ua tusigafaina uma.
6O atalii o Peniamina; o Pela, ma Pekaru, ma Ietiaelu, e toatolu.
7O atalii foi o Pela; o Eseponu ma Usi, ma Usialu, ma Ierimota, ma Iri, e toalima; o matai sili o le aiga o latou tamā, o tagata fitafita lava. E lua sefulu o afe ma afe e lua ma le toatolu o sefulu ma le toafa sa tusia o latou gafa.
8O atalii o Pekaru; o Semira, ma Ioasa, ma Elisara, ma Elioenai, ma Omeri, ma Ierimota, ma Avia, ma Anatota, ma Alemetu. O i latou uma ia o atalii o Pekaru.
9E lua sefulu o afe ma le lua o selau sa tusia o latou gafa, i o latou aiga. O matai sili o aiga o latou tamā, o tagata fitafita lava i latou.
10O le fanauga a Ietiaelu; o Pileana; o atalii o Pileana; o Iuso, ma Peniamina, ma Euta, ma Kinaana, ma Setana, ma Tasesa, ma Aiseara.
11O i latou uma ia o le fanauga a Ietiaelu, o matai sili o aiga o latou tamā, o tagata fitafita lava, e sefulu afe ma afe e fitu ma le lua o selau e i le taua e tau.
12O Supimo foi, ma Hupimo, o atalii o Iri; o Husema o le atalii o Aera.
13O atalii o Nafatali; Kasielu, ma Kuni, ma Iesaru, ma Selimo, o fanau a Pila.
14O atalii o Manase; o Aserieli, na fanaua e ia; o lana palake o le fafine Suria ia, na fanaua e ia o Makiro le tamā o Kiliata.
15Na fai avā Makiro i le tuafafine o Hupimo, ma Supimo, o le igoa o lo laua tuafafine o Maaka; o le igoa o lona lua o Selofeata lea; na i ai foi ia Selofeata o afafine.
16Na fanau mai e Maaka o le avā a Makiro o le tama tane, ua ia faaigoa ia te ia o Peresa; o le igoa foi o lona uso o Seresa; o ona atalii foi o Ulama, ma Rekema.
17O le atalii foi o Ulama; o Petana. O le fanauga ia a Kiliata, le atalii o Makiro, le atalii o Manase.
18O lona tuafafine o Hamoleketa na fanau e ia Isota, ma Apieseru, ma Maala.
19O atalii ia o Semita, o Aiana, ma Sakema, ma Liki, ma Aniama.
20O le fanauga a Efaraima; o Sutelu lona atalii, ma Pereta lona atalii, ma Taata lona atalii, ma Eleata lona atalii, ma Taata lona atalii,
21o Sapata lona atalii, ma Sutelu lona atalii, ma Eseru, ma Elata, o e na fasiotia e tagata o Kata e na fanaua i le nuu; auā ua latou o ifo e ave i a latou manu.
22Ua faanoanoa Efaraima lo latou tamā i aso e tele, ua o mai foi ona uso e faamafanafana ia te ia.
23Ua alu ane o ia i lana avā, ua to ai o ia, ona fanau mai ai lea o le tama tane, ua ia faaigoa foi ia te ia o Peria, auā o le mala ua oo i lona aiga.
24O lona afafine foi o Seeru, na faia e ia o Peteorana i lalo ma le i luga, ma Usena-seeru.
25O Refa lona atalii, o Resefa foi, ma Talaka lona atalii, ma Taana lona atalii,
26o Latana lona atalii, o Ameuta lona atalii, o Elisama lona atalii,
27o Nona lona atalii, o Iosua lona atalii.
28O latou fanua ma mea e mau ai, o Peteli ma ona faoa aai, o Naarana foi i le itu i sasae, ma Kasera i le itu i sisifo ma ona faoa aai, o Sekema foi ma ona faoa aai, e oo i Kasa ma ona faoa aai.
29Ua pito ane i tuaoi o le fanauga a Manase, o Peteseana ma ona faoa aai, o Taanaka ma ona faoa aai, o Mekito ma ona faoa aai, o Toru na ona faoa aai. O aai ia ua mau ai le fanauga a Iosefa le atalii o Isaraelu.
30O atalii o Asera; o Iemina, ma Iesiva, ma Iesivi, ma Peria, ma lo latou tuafafine o Sera.
31O atalii foi o Peria; o Kaveru, ma Mekielu, o ia le tamā o Piresaito.
32Ua fanaua e Kaveru o Iafeleta, ma Semeri, ma Hotama, ma lo latou tuafafine o Suea.
33O atalii o Iafeleta; o Pasaka, ma Pimeala, ma Aseveta. O atalii ia o Iafeleta.
34O atalii o Semeri; o Aki, ma Roka, o Ieupa, ma Arama.
35O atalii o lona uso o Helema; o Sofa, ma Imena, ma Selesa, ma Amala.
36O atalii o Sofa; o Suaka, ma Arenefa, ma Suala, ma Peri, ma Imera,
37o Peseri, ma Hota, ma Sama, ma Selesa, ma Ietero, ma Peira,
38O atalii o Ietero; o Iefune, ma Pisepa, ma Ara.
39O atalii o Ula; o Araka, ma Hanieli, ma Risea.
40O i latou uma ia le fanauga a Asera, o matai sili o aiga o latou tamā, ua filifilia, o tagata ua fitafita lava, o matai sili i alii. O le faitau aofai o i latou sa tusia o latou gafa, o ‘au e tau ai le taua, e lua sefulu o afe ma le ono o afe o tagata.
Who We AreWhat We EelieveWhat We Do
2025 by iamachristian.org,Inc All rights reserved.
