1Ona tali mai ai lea o Sofara le Naama, ua faapea mai,
2E moni, o‘u mafaufauga lava ou te tali atu ai, ona o lo‘u popole foi o i totonu ia te au.
3Ua ou faalogo atu i le aoaiga e faamaina ai a‘u, o le faautauta foi o lo‘u loto ou te tali atu ai.
4Ua e le iloa ea lenei mea talu mai le faavavau, talu ona tuuina o le tagata i le lalolagi,
5e saasaa le alaga fiafia o e amio leaga, o le olioli foi o le tagata faalematau o le emo o le mata lea?
6E ui lava ina oo ae lona silisili i le lagi, ma papai atu lona ulu i ao,
7e fano o ia e faavavau e pei o lona otaota; e fai mai i latou o e na iloa o ia, O ifea o i ai o ia?
8E lele ese o ia e pei o le li‘a, e le maua foi o ia; e tulieseina lava o ia e pei o le mea e vaaia i le po.
9O mata na vaai ia te ia, e le toe iloa o ia; e le toe iloa foi o ia i le mea sa i ai o ia.
10E faalelei atu ona atalii i e matitiva, ma toe avatua e ona lima lona oloa.
11Ua tutumu ona ivi i ana agasala na faia ina o taulealea, e taooto foi faatasi ma ia i le eleele.
12E ui lava ina suamalie le amio leaga i lona gutu, ma ua ia natia ai i lalo o lona laulaufaiva;
13e ui lava ina faapelepeleina ai e ia, ma na le lafoaiina; a e taofia pea i lona gutu;
14a e liua ana mea e ‘ai i lona manava, e avea ma mea oona a asipi i totonu ia te ia.
15Na ia foloina le oloa, a e toe puai mai ai, e faateaina ai e le Atua i lona manava.
16E miti e ia le mea oona a asipi, e oti o ia i le laulaufaiva o le gata.
17E le vaai o ia i vaitafe, o tafe o alia o le meli ma le suāsusu.
18E toe avatua e ia o le mea na ia galue ai, na te le ‘ai ai foi; e pei o oloa e toe avatua, na te le fiafia i ai.
19Auā ua ia faasauaina ma tuulafoaiina e ua matitiva; ua ia faoa le fale na ia le faia;
20o le mea lea e le iloa ai e ia se filemu i totonu ia te ia, e le faasaoina e ia lana mea ua ia manao tele i ai.
21E le toe ai sina ana mea e ‘ai; o le mea lea e le tumau ai lona manuia.
22E puapuagatia o ia a o faulai lava ana mea; e oo atu ia te ia lima uma o e ua tigaina.
23A o faatumuina lona manava, e faaooina e le Atua ia te ia lona toasa tele, e faatotō ifo ai foi e ia i luga ia te ia a o ‘ai o ia.
24E sola ese o ia i le auupega uamea, e fanaia ia ati i le aufana ‘apa memea.
25E toina ia, e faateaeseina foi i le tino; e alu atu le pelu pupula ai lona au oona; ua i ona luga o mea e matautia.
26Ua teteu pouliuli uma e fai mona oloa; e ‘aina o ia e le afi ua le ulaina; e malaia le ua toe i lona fale ie.
27E faaali e le lagi lana amioleaga; e tulai atu foi le lalolagi e tetee ia te ia.
28E avea le oloa o i lona fale, e tafea i le aso o lona toasa.
29O le tofi lenei o le tagata amio leaga mai le Atua, o le tofi foi ua tofia ia te ia e le Atua.
Who We AreWhat We EelieveWhat We Do
2025 by iamachristian.org,Inc All rights reserved.
