1Na ou iloa le Alii, o loo tu i luga o le fata faitaulaga; ma ua faapea mai o ia, Ina ta ia le laau faalava o le faitotoa, ia luluina ai o pou; ia gaugau ai i luga o latou ulu uma; ou te fasioti foi i le pelu e ua totoe o i latou; ai so latou e sola e le sao ia, ai so latou e sola ese e le laveaiina o ia.
2Afai latou te eli ia oo i seoli, e aumaia i latou e lo‘u lima ai lea mea; afai latou te feaei i le lagi, ou te aveina ifo i latou ai lea mea.
3Afai latou te lalafi i le tumutumu o Karamelu, ou te suesue ai, ma au mai ai i latou ai lea mea; afai foi e lalafi i latou ai o‘u luma i le loloto o le sami, ou te fai atu ai i le gata, ona utia ai lea o i latou e ia.
4Afai foi e tāfea i latou i luma o e o fai i latou ma fili, ou te fai atu ai i le pelu, ona fasiotia ai lea o i latou; ou te faasaga atu i ai, ina ia malaia o i latou, a e le ona ia manuia.
5O le Alii, o Ieova o ‘au o ia o le pai atu i le laueleele, ona liu suāvai ai lea, e faanoanoa foi i latou uma o e nonofo ai; e matuā alu ae e pei o se vaitafe, e lofia o ia e pei o le vaitafe o Aikupito.
6O ia lava o le na te faia ona afioaga i le lagi, ma na faavaeina lana faaputugāmea i le lalolagi; o le na te valaauina i le suāsami o le sami, ma faamaligi ai i le fogāeleele; o Ieova, o lona suafa lea.
7O loo faapea mai Ieova, Le fanauga a Isaraelu e, e le ua pei o tagata Aitiope ea outou ia te au? Pe na le aveina ae Isaraelu e a‘u ai le nuu o Aikupito? o Filisitia foi ai Kafetori, ma Suria ai Kira?
8Faauta, ua faasaga fofoga o le Alii o Ieova i le malo amio leaga, ou te faaumatia ai ai le fogāeleele; na o le aiga o Iakopo ou te le matuā faaumatia, o loo fetalai mai ai Ieova.
9Faauta mai foi, ou te fai atu, ou te luluina foi le aiga o Isaraelu i nuu uma, e pei ona luluina o saito i le lulu, a e le paū sina fua i le eleele.
10E oti i le pelu o i latou uma o lo‘u nuu o e agasala, o e faapea ane, E le aulia mai le malaia, pe maua mai i tatou.
11O le aso lea ou te faatuina ai le fale apitaga o Tavita ua paū; ou te pupuni i ana mea ua lepetia; o ana mea foi ua solo ou te atiina ae, ou te atiina ae e pei ona faia i ona po anamua.
12Ina ia fai mo latou tofi e ua totoe o Etoma, atoa ma nuu uma, o e ua faaigoaina i lo‘u igoa, o loo fetalai mai ai Ieova o le na te faia lenei mea.
13O loo faapea mai Ieova, Faauta, e oo mai ona aso e aulia ai lē suatia le fanua i le selesele saito, ma lē solivine i le lulu saito; e tautulu mauga i le suāvine, e tafea ai mea maupuepue uma.
14Ou te faafoisia mai le tafeaga o lo‘u nuu o Isaraelu, ona latou faatuina ai lea o aai ua faatafunaina, ma nonofo ai; latou te totōina foi tovine, ma inu uaina ai; latou te fai foi faatoaga, ma aai ai ona fua.
15Ou te totōina i latou i lo latou laueleele; e le toe liaiina i latou ai lo latou laueleele na ou foaiina atu ai ia te i latou, o loo fetalai mai ai Ieova lou Atua.
Who We AreWhat We EelieveWhat We Do
2025 by iamachristian.org,Inc All rights reserved.
