1A o aso e gata ai e oo ina faatumauina ai le mauga o i ai le fale o Ieova i tumutumu o mauga, e faamaualugaina foi ia sili i mauga iti, ona gasolo ane lea o nuu i ai.
2E o mai lava nuu ese e tele, ma latou faapea ane, O mai ia, tatou o ae ia i le mauga o Ieova, o le fale foi o le Atua o Iakopo; e a‘oa‘o mai ai o ia ia te i tatou i ona ala, ona tatou savavali ai lea i ona ala; auā e alu atu le tulafono mai Siona, o le afioga foi a Ieova mai Ierusalema.
3E faamasino foi o ia i nuu e tele, e aoai atu foi i nuu malolosi e mamao; ona latou tu‘i ai lea i a latou pelu e fai ma uamea o suotosina, o latou tao foi e fai ma polo teu vine; e le sii atu foi le pelu e le tasi nuu, latou te le toe a‘oa‘o foi i taua.
4A e taitasi ma nofo i lalo o lona vine, ma lalo o lona mati; e leai foi se na te faamatau mai; auā ua faapea ona tŭlei mai ai le siufofoga o Ieova o ‘au.
5Auā o nuu uma e taitasi ma savali i le igoa o latou atua, o i tatou foi, tatou te savavali i le suafa o Ieova lo tatou Atua e faavavau faavavau lava.
6O loo faapea mai Ieova, O lea aso ou te faapotopoto ai le nuu ua setusetu, ou te aofaiina faatasi foi le nuu ua tulia, ma le nuu ua ou faatigaina.
7Ou te faatotoe nisi o le nuu ua setusetu, ou te faia foi ma nuu malosi e ua tāfea mamao, e pule foi Ieova ia te i latou i le mauga o Siona e amata i ona po nei, e oo i le faavavau.
8O oe foi le ‘olo o le lafu mamoe, o le mauga o le tama fafine a Siona, e oo mai lava ia te oe, e oo mai lava le muai pule; e oo mai le malo o le tama fafine a Ierusalema.
9O lenei, se a le mea e te alaga tele ai? E leai ea se tupu ia te oe? Ua fano ea lou faipule? ina ua maua oe i tiga pei o se fafine a fanau mai.
10Le tama fafine a Siona e, ina faatiga ia, ma ia fanau mai, pei o le fafine a fanau mai; auā e te alu ese nei i le aai a e mau i le vao, e te oo lava i Papelonia; e laveaiina oe i lea mea, e laveai Ieova ia te oe i lea mea ai lima o i latou o e ita mai ia te oe.
11Ua faapotopotoina nei foi o nuu e tele o le a tau ma oe, o e faapea ane, Ia leaga o ia; se‘i vaai foi o tatou mata i Siona.
12A o i latou, latou te le iloa manatu o Ieova, latou te le iloa foi lana pule; auā e faapotopotoina i latou e ia pei o fusi saito i le mea e soli ai saito.
13Le tama fafine a Siona e, tu ia i luga, ma soli; auā ou te faia lou nifo ma uamea, ou te faia foi ou atigivae ma ‘apa memea; e te tu‘imomomoina nuu e tele; ou te faatoina foi mo Ieova a latou vete, atoa ma a latou oloa mo le Alii o le lalolagi uma.
Who We AreWhat We EelieveWhat We Do
2025 by iamachristian.org,Inc All rights reserved.
