SALAMO, 121 - Samoan Old Version Bible

O LE SALAMO CXXI.E leoleo mai le Atua i ona tagata.O le pese ma e o ae.

1E faasaga ae o‘u mata i mauga, e oo mai ai lo‘u fesoasoani.

2O lo‘u fesoasoani mai ia Ieova lea, o le na faia le lagi atoa ma le lalolagi.

3E le tuuina mai e ia ia mapeva lou vae; o lou leoleo e le tulemoe lava ia.

4Faauta, o lē leoleo ia Isaraelu, e le tulemoe ia, e le moe lava.

5O Ieova, o lou leoleo ia; o Ieova, o lou paolo lea i lou itu taumatau.

6E le taia oe e le la i le ao, po o le masina i le po.

7E leoleo e Ieova ia te oe i mea leaga uma lava; e leoleo mai o ia i lou agaga.

8E leoleo Ieova i lou ulufafo ma lou ulufale, e amata mai nei lava, a e oo i le faavavau.