1Ua itiiti la‘u mānava, ua mavae o‘u aso, ua saunia tuugamau mo a‘u.
2E le o ia te au ea e ua tauemu? E le ua ou vaai pea ea i lo latou finauvale.
3Ia e tuu mai se faamaoni, ina e tuu mai ia se faamaoni ia te au i la ta finauga ma oe; o ai se ma te fetagofi o ma lima?
4Auā ua e punitia o latou loto ia le mafaufau; o le mea lea e te le faasilisiliina ai i latou.
5O le na te faasinoina ana uo i e vetea mea, e avea mata o ana fanau.
6Ua ia faia foi a‘u ma upu faatusa i le nuu; ua inosia foi a‘u i o latou luma.
7Ua puaoa foi o‘u mata ona o le faanoanoaga, ma o‘u itu tino uma e pei o le ata ia.
8E fememeai tagata amiotonu i lenei mea, e tulai atu foi le ua lē sala i le tagata faalematau.
9O le ua amiotonu e tumau pea o ia i lona ala, o ia foi ua mamā ona lima e faaopoopoina pea lona malosi.
10A o outou uma, ina foi mai ia, ina o mai ia; ou te le iloa lava se tagata poto ia te outou.
11Ua mavae atu o‘u aso, ua faaleiuina o‘u mafaufauga, o manatu lava o lo‘u loto.
12Ua latou faia le po ma ao; ua latalata le malamalama i le pouliuli.
13E moni ou te faatalitali atu i le tuugamau e fai mo‘u fale; ou te fofolaina lo‘u moega i le pouliuli.
14Ua ou valaau i le pala, O lo‘u tamā oe; o le ilo foi, O lo‘u tinā ma lo‘u tuafafine lea.
15O i fea o i ai nei foi lo‘u faamoemoe? O lo‘u faamoemoe foi, po o ai ea na te vaai i ai?
16E o ifo ia i faamau o le tuugamau, e mapu lava faatasi i le eleele.
Who We AreWhat We EelieveWhat We Do
2025 by iamachristian.org,Inc All rights reserved.
