1Ua e iloa ea ona po e fanau ai le ‘oti o le vao o i mato? E le tausia ea aila pe a fananau i latou?
2E te mafaia ea ona faitauina le atoatoa o masina o a latou to? Po o ua e iloa ona po e fananau ai i latou?
3Latou te tootuli, latou te fananau mai a latou tama, latou te faateaina o latou tiga.
4E malolosi a latou tama, e tutupu, i latou i le vao; e o ese atu i latou, a e le toe foi mai ia te i latou.
5O ai ea ua auina atu le asini o le vao ia saoloto? O ai ea ua tatalaina mea e noata‘i le asini o le vao?
6O le ua ou tuuina atu i ai le nuu naumati mona fale, ma le vao lafulafua ma mea e tataa ai?
7Na te ‘ata i le pisapisao o le aai; na te le faalogo i le alaga o le ta‘ita‘i asini.
8O le mea ua maua i mauga o lana mea e ‘ai lea, ua ia sailiili atu foi i laau iti lauolaola uma.
9E mafai ea le rema ona auauna ia te oe? Pe moe i le po i lou fale povi?
10E te mafai ea ona nonoa o le rema i le atu pue i sona maea? Pe mulimuli o ia ia te oe e faamaluluina ai vanu?
11E te faatuatua ea ia te ia ina ua tele lona malosi? Pe e te tuuina atu ia te ia lau galuega?
12E te manatu i ai ea na te aumaia au saito, ma faaputuina i lau mea e sasa ai saito?
13E sausau apaau o le renani, o le apaau ea ma fulufulu o le kasita?
14Na te tuu ana fua i le eleele, ma ua faamafanafanaina ai i le efuefu.
15A ua galo ia te ia pe solia e se vae, pe solipalaina e se manu feai.
16Ua agavale ia i ana tama, e peiseai e le ni ana; ua fai fua lana galuega e leai sona atuatuvale.
17Auā ua le tuuina atu e le Atua le poto ia te ia; ua ia le tufa atu i ai foi le mafaufau.
18Pe a tātā ae i luga ona apaau, ua ‘ata o ia i le solofanua ma le o tietie i ai.
19Na e avatua ea i le solofanua le malosi? Ua e faaofu ea i lona ua i fulufulu maveve?
20Ua e mafai ea ona faaosooso ia te ia e pei o le sē akerise? E maeu le matautia o lona faafogifogi.
21Ua eli lava ia i le vanu, ua fiafia foi i le malosi; ua alu atu e faafetaiai i le auupega.
22E ‘ata o ia i le fefe, e le mata‘u lava o ia; e le liliu ese foi i le pelu.
23Ua taalili i ai le utu e tuu ai u, le tao pupula, ma le tao.
24O le taalili ma le feasofa‘i, ua ia folo ai le eleele; e le toe tu filemu pe a lagona le leo o le pu.
25A ilia le pu, ua ia fai ane ai, Ue! Ua sogisogi mamao atu foi le taua, ma le pisapisao o e ta‘ita‘i ‘au, ma le alalaga.
26O le atamai ea mai ia te oe, e lele ai le nesa, ma fālō atu ai ona apaau i le itu i toga?
27O lau upu ea e lele maualuga ai le aeto, ma fai ai lona ofaga i le mea maualuga?
28E nofo o ia ma mau pea i le mato, i luga o le tumutumu o le mato, ma le tumutumu o le mauga.
29Ua ia vaavaai atu mai lea mea i le mea e ‘ai, ua vaai mamao atu ai ona mata.
30E inu lava le toto e ana tama; o le mea foi e i ai le fasi, o i ai lava ia.
Who We AreWhat We EelieveWhat We Do
2025 by iamachristian.org,Inc All rights reserved.
