1Ieova e, ia e faafofoga mai i a‘u upu, ia e silafia mai le oi o lo‘u loto.
2Lo‘u Tupu e, ma lo‘u Atua, ia e faafofoga mai i le leo o la‘u alaga, auā ou te talotalo atu ia te oe.
3Ieova e, e faafofogaina e oe lo‘u leo i le taeao; o le taeao ou te sauni atu ai la‘u tatalo ia te oe, ma ou vaavaai.
4Auā o oe, e te le se Atua e fiafia i le amio leaga; e le mau faatasi ma oe le ua fai mea leaga.
5E le tutū i ou luma o e faamaualuluga; ua e ‘ino‘ino ia i latou uma o e fai amio leaga.
6E fano ia te oe o e tala pepelo; e matuā inosia e Ieova le tagata ua totolima ma le tau‘ole‘ole.
7A e peitai a‘u nei, o le tele o lou alofa ou te alu atu ai i lou fale, ou te ifo i lou malumalu paia ma le mata‘u ia te oe.
8Ieova e, ia e ta‘ita‘i mai ia te au i lau amiotonu, ona o e ita mai ia te au; ia e faasa‘o i o‘u luma lou ala.
9Auā e leai se faamaoni i o latou gutu; o latou loto foi, ua matuā leaga; ua se tuugamau ua faamaga o latou faaī; ua faaoleole i latou i o latou laulaufaiva.
10Le Atua e, ia e faasalaina i latou; ia pauu i latou i a latou lava taupulepulega; ia e tuliesea i latou ona o le tele o latou solitulafono; auā ua latou fouvale ia te oe.
11A ia fiafia i latou uma o e faatuatua ia te oe; ia latou alalaga fiafia e faavavau, auā e te faamamaluina i latou; ia olioli foi ia te oe o e alolofa i lou suafa.
12Auā o oe, Ieova e, e te faamanuia i le ua amiotonu; e puipuia o ia e oe i le alofa, e pei o le tali pupuni.
Who We AreWhat We EelieveWhat We Do
2025 by iamachristian.org,Inc All rights reserved.
