1E lelei ona vivii atu ia Ieova, ma ia fai pesega i lou suafa lē Silisili ese e;
2ia ta‘u atu i le taeao lou alofa ia ta‘u atu foi i le po lou faamaoni,
3i le laaupese e sefulu ona manoa, ma le napeli, ma le leo o le kitara.
4Auā ua e faafiafia mai ia te au i lau galuega, Ieova e; ou te alaga fiafia ona o mea ua faia e ou aao.
5Ieova e, e matuā sili lava mea ua e faia; e loloto lava ou manatu.
6O le tagata valea na te le iloa; ma le vale na te le lagona lenei mea.
7A tupu olaola o e amio leaga e pei o le vao iti, a fuga mai foi i latou uma o e fai mea leaga, e faapea i latou ina ia faaumatia e oo i le faavavau lava.
8A o oe Ieova e, o loo silisili oe e faavavau.
9Auā Ieova e, faauta i e ita ia te oe, auā faauta i e ita ia te oe, e fano i latou; e faataapeapeina i latou uma o e fai amio leaga.
10A e faamaualugaina e oe lo‘u nifo e pei o le rema; e faauuina a‘u i le suāuu fou.
11E iloa atu foi o‘u mata i e lamalama mai ia te au, e faalogo foi o‘u taliga i e amio leaga e ua laga mai ia te au.
12E tupu olaola le tagata amiotonu e pei o le pama; e tupu tele e pei o le arasi i Lepanona.
13O e ua totōina i le fale o Ieova, e tupu olaola i latou i lotoā o lo tatou Atua.
14A oo ina ulusinā, latou te fua mai pea lava; e malolosi ma lauolaola i latou;
15ina ia iloa ai o Ieova e tonu ia; o lo‘u papa ia, e le o ia te ia foi se amio leaga.
Who We AreWhat We EelieveWhat We Do
2025 by iamachristian.org,Inc All rights reserved.
