Romafo 16 - KYER?W KRONKRON（RATB）

Paulo nkyia ahorow

1Na mebɔ yɛn nuabea Foibe a ɔyɛ asafo a ɛwɔ Kenkrea no mu somfo din mede no mehyɛ mo nsa

2sɛ: Munnye no Awurade mu, sɛnea ɛsɛ ahotefo no, na munnyina n’akyi adwuma biara a mo ho behia no mu; efisɛ ɔno nso ayɛ nnipa pii ne m’ankasa boafo.

3 Aso 18.2; 18.26 Munkyia Priska ne Akwila, me yɔnko adwumayɛfo Kristo Yesu mu

4a wɔpɛe sɛ anka wɔde wɔn ara wɔn nkwa to hɔ ma de si me kra ananmu. Na ɛnyɛ me nko na meda wɔn ase, na mmom asafo a ɛwɔ amanaman nyinaa mu nso.

51 Ko 16.19; 16.15 Munkyia asafo a ɛwɔ wɔn fi no nso. Munkyia me dɔfo Epaineto a ɔyɛ Kristo mu abakan a ofi Asia no.

6Munkyia Maria a ɔhaw ne ho pii maa mo no.

72 Ko 8.23 Munkyia Androniko ne Yunia, m’abusuafo ne me yɔnko apokyerɛfo a wɔwɔ din asomafo no mu na wodii me kan Kristo mu no.

8Munkyia m’Awurade mu dɔfo Amplia.

9Munkyia yɛn Kristo mu yɔnko dwumayɛfo Urbano ne me dɔfo Staki.

10Munkyia Apele a wɔahu no ɔnokwafo Kristo mu no. Munkyia wɔn a wofi Aristobulo fifo mu no.

11Munkyia me busuani Herodion. Munkyia wɔn a wofi Narkiso fifo mu a wɔwɔ Awurade mu no.

12Munkyia Trifaina ne Trifosa a wɔbɔ Awurade mu mmɔden no. Munkyia ɔdɔfo Persi a ɔbɔɔ Awurade mu mmɔden pii no.

13Mar 15.21 Munkyia Rufo a wɔayi no Awurade mu, ne ne na a ɔyɛ me nso me na no.

14Munkyia Asinkrito, Flegon, Herme, Patroba, Herma ne anuanom a wɔka wɔn ho.

15Munkyia Filologo ne Yulia, Nereo ne ne nuabea ne Olimpa ne ahotefo a wɔne wɔn wɔ hɔ nyinaa.

161 Ko 16.20 Momfa mfewano kronkron nkyiakyia mo ho. Kristo asafo nyinaa kyiakyia mo.

17 Mat 7.15; Tito 3.10 Nanso, anuanom, mitu mo fo sɛ monkari wɔn a wɔde mpaepaemu ba na wɔto hintidua de sɛe nkyerɛkyerɛ a moasua no, na montwe mo ho mfi wɔn ho.

18Flp 3.19; Hes 13.18; Kol 2.4 Na wɔn a wɔte saa no nsom yɛn Awurade Yesu Kristo, na mmom wɔsom wɔn ankasa yafunu, na wɔde tɛkrɛmadɛ ne adɔkɔdɔkɔsɛm daadaa wɔn a wonnim bɔne no koma.

19Rom 1.8; 1 Ko 14.20 Na mo de, mo asoɔmmerɛw no atrɛw adu nnipa nyinaa asom; enti m’ani gye mo ho, nanso mepɛ sɛ moyɛ papa ho anyansafo, na moyɛ kronn wɔ bɔne ho,

20Rom 15.32 na asomdwoe Nyankopɔn no bɛpɛtɛw Satan mo nan ase ntɛm. Yɛn Awurade Yesu Kristo adom nka mo.

21 Aso 16.1-2; 19.22; 20.4; Flp 2.19 Me yɔnko dwumayɛfo Timoteo ne m’abusuafo Lukio ne Yasɔn ne Sosipatro kyia mo.

22Me Tertio a mekyerɛw nhoma yi, mikyia mo Awurade mu.

231 Ko 1.14; Aso 19.22 Gaio a ɔyɛ me ne asafo no nyinaa fiwura kyia mo. Erasto a ɔyɛ kurom ha sikakorafo ne onua Kwarto kyia mo.

24[Yɛn Awurade Yesu Kristo adom nka mo nyinaa. Amen].

25 Efe 1.9; 3.5; 3.9 Nea otumi sɛ ɔhyɛ mo den, sɛnea m’asɛmpa ne Yesu Kristo ho asɛnka te, sɛnea ahintasɛm a kan teteete no wɔanka,

262 Tim 1.10; Rom 1.5 na afei wɔayi no adi, na wɔnam adiyifo kyerɛw nsɛm no so ayi no adi akyerɛ amanaman mufo, sɛnea daa Nyankopɔn hyɛ no te, ama osetie a ɛde kɔ gyidi mu,

271 Tim 1.17; Yuda 25 Onyankopɔn a ɔyɛ onyansafo koro no, anuonyam mfa Yesu Kristo so nka no daa daa! Amen.