Mika 5 - KYER?W KRONKRON（RATB）

Nea wɔasra no no awo ne n’ahenni

1Afei bɔ tukuw, wo Sion babea;

wotua yɛn twa yɛn ho hyia;

wɔde abaa bɔ Israel temmufo abogye.

2 Mat 2.5-6; Yoh 1.1-2 Na wo, Betlehem a ɛwɔ Efrata,

wo a woka mmusuakuw a wosua wɔ Yuda no ho,

wo mu ara na obi bɛba ama me,

na wabɛyɛ Israel so difo no;

nea n’ase fi tete nteredee,

fi tete nna no mu.

3 Yes 7.14; 11.12 Enti ɔde wɔn bɛma akosi

bere a ɔwofo bi bɛwo,

na ne nuanom nkae bɛsan

ne Israel mma nso aba.

4 Hes 34.23 Na obegyina hɔ ayɛn wɔn, AWURADE ahoɔden mu,

AWURADE ne Nyankopɔn din kɛseyɛ mu,

na wɔatena ase; na afei ɔbɛso

akosi asase awiei.

5 Yes 9.6; Efe 2.14 Na oyi bɛyɛ asomdwoe.

Sɛ Asaria ba yɛn asase so

na otiatia yɛn aban afɛfɛ mu a,

ɛnna yebesisi ahwɛfo baasɔn,

ne nnipa mu mmapɔmma baawɔtwe atia no.

6Na wɔde afoa ayɛn Asaria asase

ne Nimrod asase n’apon mu;

na sɛ Asaria ba yɛn asase so

na sɛ otiatia yɛn hye so a,

obegye yɛn afi ne nsam.

7 Nnw 110.3 Na Yakob nkae no

a amanaman bebree atwa ho ahyia no

bɛyɛ sɛ obosu a efi AWURADE nkyɛn,

sɛ nsu a ɛpete nhabamma so

ɛnhwɛ nkurɔfo bi kwan

na ɛntwɛn adasamma nso.

8 Nnw 7.2, 5 Na Yakob nkae no

bɛyɛ sɛ gyata wɔ kwae mu mmoa mu

amanaman bebree a atwa ahyia no mu,

sɛ gyataforo wɔ nguankuw no mu

sɛ ɔsen ba a otiatia so,

na ɔtetew mu a ogyefo bi nni hɔ.

9Ma wo nsa so, w’ahohiafo so,

na di w’atamfo so.

10 Sak 9.10 Na ɛda no, AWURADE asɛm ni,

metwitwa w’apɔnkɔ afi wo mu,

na masɛe wo nteaseɛnam,

11na matwitwa w’asase so nkurow agu,

na madwiriw w’abandennen nyinaa;

12 Sak 13.2 na metwitwa wo ntafowayi afi wo nsam,

na woannya akɔmfo bio;

13na metwitwa w’ahoni ne w’adum afi wo mu,

na woansɔre wo nsa ano adwuma bio;

14na metutu w’abosompɔw nnua afi wo mu,

na masɛe wo nkurow;

15na mede abufuw ne abufuhyew matɔ were,

amanaman a wɔantie no so.