Hesekiel 19 - KYER?W KRONKRON（RATB）

Israel abirempɔn ho kwadwom

1Na wo de, twa Israel abirempɔn ho kwadwom

2na ka sɛ:

Ɛdɛn na wo na, gyatabere no butuw

agyatanini ntam yɛn ne mma

gyataforo mu?

3Na ɔyɛn ne mma mu biako;

ɔyɛɛ gyataforo

na osuaa ahayɔ;

odii nnipa nam.

4 2 Ah 23.30-34 Na amanaman tee ne nka,

na wɔkyeree no wɔn amoa mu,

na wɔde hwene mu kaa twee no

kɔɔ Misraim asase so.

5Na ne na huu sɛ watwɛn

nanso n’anidaso ayera no,

ɔfaa ne mma mu bi

de no yɛɛ gyataforo;

6 2 Ah 24.8-9 na ɔnenam agyata mu no,

ɔyɛɛ gyataforo,

na osuaa ahayɔ;

odii nnipa nam.

7Na ohuu wɔn akunafo,

na ɔbobɔɔ wɔn nkurow,

na ne mmobom gyegyeegye nti

asase no ne ne mayɛ sɛee.

8Ɛnna amanaman

a wofi nsaase so no bae

betwaa ne ho hyiae,

na wɔde wɔn asawu trɛw no so,

wɔkyeree no wɔ wɔn amoa mu,

9 2 Ah 24.15 na wɔde hwene mu kaa hyɛɛ no de no hyɛɛ kyerɛnkyɛ mu,

na wɔde no kɔmaa Babel hene,

na wɔde no siee abankɛse mu,

nea ɛbɛyɛ na wɔante ne nne bio,

Israel mmepɔw so.

10 Hes 17.6 Anka wo na te sɛ bobeturo mu bobe

a wɔatɛw no nsuso,

nsu pii nti,

n’aba ne n’abaa bae yiye.

11Na onyaa nhama a ɛyɛ den

na ɛyɛɛ ahene mpoma,

na ne kɛseyɛ korɔn

koduu amununkum kusuu ntam,

na wohu no ne korɔn mu,

n’abaa dodow mu.

12 Hes 15.4 Na wotuu no anibere so

tow no hwee fam,

na apuei mframa kisaa n’aba no;

ne nhama a ɛyɛ den no bubui

na etwintwamee,

na ogya hyewee.

13Na afei wɔatɛw no sare so,

asase kesee a edi sukɔm so;

14na ogya refi n’abaa hama bi mu

ahyew n’aba, na hama

a ɛyɛ den a ɛbɛyɛ ahenni poma bi

nni hɔ bio.

Kwadwom ni, na ɛbɛyɛ adwuma sɛ kwadwom.